Die liedjieskrywer Rudi Claase, oftewel Rudi van Ons Lieflinge-faam, is ’n fenomeen.

Hy het agt van die 17 liedjies op die album As Ons Sing. . . Sing Ons vir Julle! geskryf en van die grootste musieksterre in die land sing dit: Patricia Lewis sing Wind van Verlange, Juanita du Plessis Onthou My, Theuns Jordaan Vingers en Voete en Arno Jordaan sing  twee van Rudi se liedjies, Engele en Kom Terug.

Die album spog met drie nommers deur die Ons Lieflinge-duo, Rudi en Corlea, en is deur sy platemaatskappy, Jewel Music, uitgereik. Van die ander heerlike snitte daarop is deur Bok van Blerk, Lianie May, Eden, die Coleskes, Rina Hugo en Manuel Escorcio.

Dis ’n uiteenlopende versameling liedjies, maar jy sal dit gewis geniet.