Wat Afrikaanse musiek betref, het 2009 grotendeels aan Rudi Claase en Corlea Botha behoort.

Meer as 80 000 eksemplare van dié duo se debuutalbum, Ons Lieflinge/Our Darlings is verkoop.

Hul opvolgalbum is pas uitgereik, en gaan ongetwyfeld weer ’n wegholtreffer wees.

Rudi het vyf van die liedjies op die CD self geskryf, en Corlea se suiwer stem is beslis een van die bestes in die land.

Die dubbelalbum bestaan uit ’n CD met nuwe én geliefde Afrikaanse liedjies. Dis pure sentimentele nostalgie!

Ons dink: 4/5

Ons Lieflinge/Our Darlings: Drome - Rudi Claase en Corlea Botha

Bemarking: Jewel Music en Universal Music

Verspreiding: Universal Music