, lui hul jaarlikse verslag wat Woensdag uitgereik is.

Hulle het verslag gegee oor 23 persent van alle klagtes wat by die ombudsman vir bankdienste ingedien is.

“OTM-verwante klagte het die saaklading oorheers; daar was 1 800 klagte vergeleke met verlede jaar se 1 100 klagte,” het die ombudsman, Clive Pillay, in ’n verklaring gesê voor die 2013-verslag in Johannesburg bekendgemaak is.

Hy het gesê die toename is ironies genoeg toe te skryf aan banke wat maatreëls geneem het om elektroniese bankbedrog hok te slaan.

“Misdadigers keer nou terug na ’n maklike teiken: OTM’s. Soms wend hulle hulle tot die tolvrye nommers om hul slagoffers se oproepe na die bank se hulplyn uit te stel,” het hy gesê.

“Bygesê, die kantoor het verlede jaar sowat 200 meer klagtes oor internetbankdienste hanteer as in 2012. Dit is te verwagte gegee die toename in elektroniese bankdienste en die vinnig groeiende getal bankklante.”

In 2013 het die kantoor van die ombudsman 4 950 gevalle hanteer. Dit het gewissel van mobiele bankdienste, kredietkaarte, OTM’s, verbande en motorfinansiering.

Van al die sake is meer as 1 900 ten gunste van die verbruiker beslis. Dit verteenwoordig ’n invordering van sowat R16 miljoen van die banke.

Daar was onder meer 72 sake met debietorders,  met 38 ongemagtigde debietorders, wat 53 persent daarvan uitmaak.

Die meerderheid OTM-sake was die gevolg van verbruikers wat hul persoonlike inligting onverantwoordelik bestuur het, wat ’n groter getal bevindinge vir die banke tot gevolg gehad het.

Die voorkoms van phishing-gevalle met selfone het verlede jaar met 27 persent toegeneem.

Phishing verwys na misdadigers wat sensitiewe inligting soos wagwoorde, kredietkaartbesonderhede en geld probeer bekom deur hulle in elektroniese kommunikasie as betroubare bronne voor te doen.

“Spesialiste in bankinligtingstegnologie moet met mobiele-app-ontwikkelaars en netwerkdiensverskaffers werk om die probleme te probeer oplos wat geassosieer word met die sekerheid van elektroniese finansiële transaksies en die oordrag van finansiële inligting,” het die voorsitter van die ombudsman se kantoor, John Myburgh SC, in die verklaring gesê.

Het het ook gesê stelsels moet voordurend bygewerk word om nuwe bedreigings teen te werk.

John het banke geloof vir hul verhoogde fokus op sekuriteit, wat hy beskryf het as ’n troos vir verbruikers.

Volgens Clive is die toenemende getal klagte wat in die aanvanklike assesseringstadium opgelos is ’n aanmoediging. Die saak word na die bank terugverwys met ’n aanbeveling van die kantoor.

“Dit weerspieël die banke se gewilligheid om hulle aan ons reëlings te onderwerp, wat as onbevooroordeeld beskou word,” het hy gesê.

Clive het gesê baie geskille het opgeduik as gevolg van klante wat nie die kontrakte verstaan wat hulle geteken het nie.

“Ons ontvang klagte van klante wat nie seker is van wat hulle geteken het nie, en gevolglik is hulle in geskille met hul bank gewikkel,” het hy gesê.

“Verbruikers kan byvoorbeeld ’n leningsooreenkoms teken, en as gevolg van vae bewoording en regsjargon kan hulle dink hulle teken ’n motorfinansieringsooreenkoms.”

Hy het gesê kontrakte moet in eenvoudige, verstaanbare en ondubbelsinnige taal opgestel word, maar banke kan dit nog nie baasraak nie.

Hy het gesê kontrakte wat in eenvoudiger taal gestel is, kan die getal klagte verminder.