André Botha (59) is Saterdagmiddag doodgeskiet nadat hy en sy vrou, Sarah, en hul seun, Luke (29), van middagete af teruggekeer het.

Net twee dae voor sy dood het hy ’n Lamborghini van R5 miljoen gekoop. Hy het trots die nuwe voertuig vir sy seun gewys toe ’n iemand voor hul huis stilhou en ’n gewapende man uitspring.

“My man het voor my en my seun ingespring en ’n skoot is geskiet,” het Sarah gesê.

André se vrou het gesê hy het sy rykdom gebruik om mense te help en 15 jaar gelede ’n matrikulant help studeer om ’n paramedikus te word. Dié paramedikus het Saterdag op die toneel André se lewe probeer red.

André is in die hospitaal oorlede.

Die rowers het met trouringe, beursies en Luke se Rolex-horlosie op die vlug geslaan.

Kol. Lungelo Dlamini, woordvoerder van die Gauteng-polisie, het gesê niemand is nog weens die moord in hegtenis geneem nie.

Bron: News24