Colorado het byna ’n maand gelede die eerste Amerikaanse staat geword wat dagga vir suiwer ontspanning verkoop. Dit was die begin van ’n bloeiende daggabedryf, en een van die dae sal geharde aanhangers van die plant dit ook in reukwatervorm agter die oor kan tik.

Dit sal in April te koop wees.

Richard, ’n gebore Swazilander wat in Suid-Afrika studeer het, is ’n akteur wat al in meer as 80 rolprente en televisieprogramme verskyn het. Hy is veral bekend vir sy rol in Withnail and I (1987).

Afgesien van sy skerp daggareukie, het die nuwe reukwater ook ondertone van lemmetjie, naeltjieolie, nartjie en tabak. Dis geskik vir albei geslagte en Richard noem dit Jack. Die verpakking is, in ware Britse styl, knalrooi.

Richard het aan The Daily Telegraph gesê sy vriendin, die ontwerper Anya Hindmarch, het die idee vir die reukwater gekry toe sy sien hy ruik aan plante.

Megan Bursey

Bronne:

http://www.refinery29.com/2013/11/57004/marijuana-perfume-richard-e-grant-liberty

http://www.richard-e-grant.com/