Britse wetenskaplikes het dié geneties gemanipuleerde tamaties ontwikkel. Dit word in Kanada gekweek waar wetgewing oor GM voedsel buigsamer is.

Dié pers tamaties word in ’n glastonnel in Ontario gekweek en sal na verwagting 2 000 L tamatiesap lewer wat in navorsing gebruik sal word.

Die unieke kleur van dié tamaties is te danke aan pigmente wat natuurlik in bessies soos braambessies en bloubessies voorkom, wat by die GM tamaties gevoeg word, sê die wetenskaplikes van die John Innes-sentrum.

Dié pigmente kan moontlik beskerming teen sekere soorte kanker en kardiovaskulêre siektes bied.

Kyk hier ’n video om nog oor dié unieke tamaties te wete te kom:

Bronne: Daily Mail, Huffingon Post, YouTube