Die 22-jarige popster is bekend vir liedjies soos All About That Bass en Lips Are Movin, en ook vir haar vreesloosheid wat betref haar mening lug.

[caption id="attachment_120549" align="alignnone" width="600"]Meghan Trainer (Foto: Cover media) Meghan Trainor (Foto: Cover media)[/caption]

Meghan Trainor het in ’n onderhoud met die Britse tydskrif Fabulous haar mening oor lipvullers, soos wat die werklikheidstelevisiester Kylie Jenner laat doen het, gedeel.

Lees: Kylie Jenner pryk skielik weer met dun lippies en laat omtrent die internet kopkrap

“Ek verstaan nie die hele ‘groot lippe’-neiging nie. Ek het nie lippe nie. Ek vra my grimeerkunstenaar om dit groter in te kleur. Ek hou nie van die idee van plastiese chirurgie nie – jy sny aan jou gesig!” sê sy.

“Ons het nie eens tatoes in my familie nie. Ek weet my lyf gaan afsak en ek wil nie hê tatoes, waarvoor ek betaal het, moet op die ou end soos ’n lelike blerts lyk nie.”

Meghan se kurwes maak haar ook gewild en sy vlei graag haar figuur in stylvolle uitrustings. Sy bevorder nou wel selfvertroue in haar lirieke, maar die brunet is soms ook maar onseker oor haar lyf.

“Ek is onlangs winkel toe om ’n winterbaadjie te koop en die enigste grootte waarin ek kon pas, was ’n XL. En selfs dit het net-net gepas. Mense sê altyd vir my: ‘Jy is nie eens so groot nie!’ Maar sulke oomblikke kan jou laat sleg voel. Ek is hartseer en vies by die winkel uit.”

Lees: Van ‘plasentadrankies’ tot kriekmeel: Dié is die vreemdste kosgiere waarvan jy moet weet

Hoewel sy nie beplan het om ’n soort woordvoerder vir vroue met kurwes te word nie, is Megham dolgelukkig daarmee om ander gemaklik in hul vel te laat voel. Om te hoor haar woorde moedig ander aan om hul lyf te aanvaar, maak die verantwoordelikheid wat daarmee gepaardgaan, die moeite werd.

Sy volg nie ’n streng dieet nie en verkies om haarself elke nou en dan te bederf. Sy oefen gereeld.

“My stilis vra my soms om iets aan te trek, dan vra ek: ‘Is dit bedoel vir ’n kleuter?!’

“Ek oefen, want ek moet my longe laat werk. Ek spin ook. Ek klim graag op die fiets. Maar ek’s tevrede met my grootte.”

© Cover Media

Ander stories op Huisgenoot.com:

Kyk hoe ‘grênd’ is Getroud met Rugby se nuwe stel

Die storie agter dié foto sal jou hart breek

Oe-la-la! Madonna se pragtige dogter hou haar lyf model

Derick se roerende brief aan Joost