“Mamma, ek wens ek was nie siek nie.” Dié woorde van die sewejarige Kaylene Crewe breek byna elke dag haar ma se hart.

Elke dag wy Michelle Crewe en haar man, Wayne, hul lewe daaraan om ander mense te help. Hulle is albei polisiebeamptes by die Wierdabrug-polisiekantoor. Tog sukkel hulle om hul eie kind te help.

“Dit maak baie seer,” sê Michelle.

Michelle weet vir die res van haar dogtertjie se lewe gaan sy siek wees. Vir die res van haar lewe sal sy op medikasie wees; sal sy moet versigtig wees wat sy eet en vir die res van haar lewe sal daar altyd die vrees wees: Wanneer is die volgende terugslag?

Want Kaylene, ’n gr. 2-leerling aan die Laerskool Swartkop in Centurion, het nefrotiese sindroom. Dit is ’n skaars niersiekte waarvoor daar nie ’n kuur is nie, maar wel behandeling. Die sindroom veroorsaak dat Kaylene se liggaam alle minerale en voedingstowwe wat sy nodig het, uitskei; sy urineer eintlik alles uit wat goed is vir haar.

Die sindroom veroorsaak dat Kaylene se liggaam alle minerale en voedingstowwe wat sy nodig het, uitskei; sy urineer eintlik alles uit wat goed is vir haar.

As Kaylene nie die nodige behandeling kry nie, kan dit lei tot nierversaking en dit kan ’n nieroorplanting tot gevolg hê.

[caption id="attachment_124890" align="alignnone" width="405"]Die sindroom veroorsaak dat Kaylene se liggaam alle minerale en voedingstowwe wat sy nodig het, uitskei; sy urineer eintlik alles uit wat goed is vir haar. Foto: Verskaf Die sindroom veroorsaak dat Kaylene se liggaam alle minerale en voedingstowwe wat sy nodig het, uitskei; sy urineer eintlik alles uit wat goed is vir haar. Foto: Verskaf[/caption]

Michelle en Wayne se nagmerrie het begin die oggend van 18 Maart 2014. Toe Kaylene wakker word, was sy koorsig, naar en geswel.

Lees ook: ‘Sê maar ek gaan dood. Ek glo Jesus gaan my gesond maak,’ sê sesjarige

Toe hulle by die dokter instap, het hy dadelik toetse laat doen. Die volgende oggend het die oproep gekom. “Die dokter het gesê ons moet dadelik na die Unitas-hospitaal gaan. Daar is klaar ’n bed vir Kaylene bespreek. Sy moet dadelik met nierbehandeling begin.”

In die sowat twee jaar dat Kaylene die siekte het, het sy al vyf terugslae gehad. Michelle verduidelik haar dogter is op ’n steroïedbehandeling. As daar nie meer proteïene in die urine is nie, word die siekte beskou as in remissie. As daar proteïene in die urine is, word dit as ’n terugslag beskou. Dit kan so erg wees dat Kaylene so opswel “dat ek nie eens my eie kind herken nie”, sê Michelle.

Met die terugslae was sy met tye tot twee weke in die hospitaal.

Kaylene is nou al 11 maande in remissie, sê Michelle, maar het steeds probleme met haar bloeddruk, hartkloppings en hoë infeksietellings. Sy drink elke dag 13 pille.

Daarby moet Kaylene maandeliks ’n niersonar ondergaan en ’n nierspesialis sien. Sy moet elke twee weke ’n urine- en bloedtoets laat doen. Sy volg ook ’n laeproteïendieet.

“Dit is nie lekker vir so ’n klein dogtertjie om te kyk hoe haar maatjies kan eet net wat hulle wil en sy mag nie. Kaylene mag nie enige kos met sout of speserye eet nie; ook nie blikkieskos, skyfies, kaas of sitrus nie. Sy mag ook nie eintlik soetgoed eet nie, want sy het ’n hoë risiko om ’n diabeet te word,” sê Michelle.

“Kaylene kan nou reg wees. Tien minute later lyk sy nie soos jou kind nie; sy swel so dat sy nie in haar eie klere inpas nie.”

[caption id="attachment_124891" align="alignnone" width="403"]Kaylene is nou al 11 maande in remissie, sê Michelle, maar het steeds probleme met haar bloeddruk, hartkloppings en hoë infeksietellings. Foto: Verskaf Kaylene is nou al 11 maande in remissie, sê Michelle, maar het steeds probleme met haar bloeddruk, hartkloppings en hoë infeksietellings. Foto: Verskaf[/caption]

Vandat die siekte by Kaylene gediagnoseer is, het die mediese rekeninge opgestapel omdat die Crewes nie alles kan bybring nie. Hul mediese rekeninge bedra R154 000.

Lees ook: ‘Dokters was oortuig sy gaan nie oorleef nie,’ vertel ma van vroeggebore baba wat vandag floreer

Omdat die mediese fonds nie Kaylene se volle behandeling dek nie, moet hulle baie van die medikasie self betaal.

Daar is nou ’n organisasie sonder winsbejag gestig sowel as ’n Facebook-blad, Kaylene Crewe NS Support Group, waardeur Michelle hoop om geld in te samel, want met ’n konstabel en sersant se salaris kan hulle net nie alles bybring nie.

“Dit wat ons kry om van te leef, is net nie genoeg om Kaylene se behandeling te betaal nie. Ons kan nie eens meer ons skuld betaal of die skoolfonds nie, want al daardie geld het net so vir Kaylene se behandeling en mediese rekeninge gegaan,” sê Michelle.

Lees ook op Huisgenoot.com:

Ontmoet Noorweë se vuurwarm ‘Viking’ wat besig is om Instagram te verower

‘Hulle gil, skree en baklei in hul slaap!’: Kenners gee raad as jou geliefdes aan vreesaanvalle snags ly

Allesvernietigende brand lei tot duisende mense se ontruiming in Kanada

Kyk die ongelooflike oomblik toe ’n ongebore babameisie sigbaar in haar ma se maag omrol!

Hope, die 12-jarige renosterkoei, kry neusoperasie ná grusame stroping

Callie en Monique Strydom se paadjies skei ná 30 jaar