Pizzabasis

  • 500 ml (2 k) koekmeel
  • 15 ml (1 e) bakpoeier
  • knippie sout
  • 125 g Stork Bake, in blokkies gesny
  • 1 eier
  • 160 ml melk
  • ’n skeut suurlemoensap of asyn

Bolaag

  • 500 ml (2 k) goeie tamatiesous
  • 12-15 skywe salami
  • 500 ml (2 k) gerasperde mozzarellakaas
  • 30 ml (2 e) vars origanum, gekap

Maak so:

Voorverhit die oond tot 200 °C en smeer ’n bakplaat.

Pizzabasis

  1. Sif die meel, bakpoeier en sout twee keer saam.
  2. Vryf die Stork Bake met jou vingerpunte by die droë bestanddele in tot die mengsel soos broodkrummels lyk.
  3. Klits die eier, melk en suurlemoensap of asyn saam en voeg dit bietjie vir bietjie by die droë bestanddele deur dit met ’n spatel of tafelmes in te sny.
  4. Plaas die deeg op ’n meelbestrooide oppervlak, druk dit liggies saam en druk effens plat. Rol dit 1 cm dik uit en druk sirkels uit.

Bolaag

  • Smeer elke sirkel met tamatiesous en pak ’n skyf salami, kaas en origanum bo-op.
  • Bak 10-15 minute tot die basis gaar en die kaas gesmelt is.
  • Laat effens afkoel en sit voor.
  • Dit kan ook koud in die kosblik gaan.

Maak 12-15 skywe