Megan Flaherty (17), van die Amerikaanse deelstaat New Jersey, het uitgestrek in ’n doodskis by die Hoërskool Pennsauken se glansaand opgedaag.

[caption id="attachment_172499" align="aligncenter" width="600"]Foto: Caters News Foto: Caters News[/caption]

Die tiener het inspirasie geput uit haar droom om ná skool ’n begrafnisondernemer te word. Haar mentor het die lykswa na die geleentheid bestuur.

Nadat sy uit die kis geklim het, het haar metgesel, Stephen Caldwell, haar ontmoet.

Kommentaar oor die ongewone keuse van vervoer het gewissel van Megan wat “dodelik pragtig” lyk tot kritici wat haar lykswa as “aanstootlik” afgemaak het.

[caption id="attachment_172500" align="aligncenter" width="600"]Foto: Caters News Foto: Caters News[/caption]

Tog het haar besluit geensins haar metgesel afgeskrik nie.

“Ek weet al maande lank van die lykswa,” het Stephen gesê.

“Die kis-idee is net bespreek; daarom het ek dit nie verwag nie, maar ek was bly toe hulle my van die plan vertel.

“Ek het elke oomblik daarvan geniet.”

Deur Sarah Francis