Met liedjies soos Mal In Jou Kop en Eerste Woorde het die sangeres Cordelia behoorlik die Afrikaanse musiekgemeenskap aan’t gons gehad.

Nou is daar ’n dubbeldoor-bederf vir haar aanhangers. Op 16 Mei het sy ’n nuwe duet-enkelsnit uitgereik saam met die televisie-aanbieder en sanger van Man Van Staal en Wat Die Hart Van Vol Is: Pieter Koen.

Die liedjie, Spel Van Liefde, beloof om aanhangers van Cordelia en Pieter van vreugde te laat dans.

Oor die samewerking met Pieter sê Cordelia: “Dit was heerlik om saam met hom aan die liedjie te werk; dit was ’n groot voorreg.”

[caption id="attachment_125905" align="aligncenter" width="600"]Foto: Starburst Promotions Foto: Starburst Promotions[/caption]

Maar waaroor gaan Spel Van Liefde? “Ons almal speel ’n spel van liefde. Almal het ’n behoefte om deel te wees van ’n liefdespel – ons wil hoort, spesiaal voel en liefde gee. Liefde oorwin alles,” sê Cordelia. Sy het bygevoeg liefde kan nie met geld gekoop word nie.

Pieter sê dit was vir hom ’n groot pluimpie toe Cordelia hom nader. “Ek het nie twee keer gedink om betrokke te raak nie. Cordelia het al die elemente wat ’n kunstenaar nodig het om suksesvol te wees: Sy is gevestig in haarself as mens en weet hoe sy mense se hart wil bereik deur haar musiek.”

[caption id="attachment_125906" align="aligncenter" width="600"]Foto: Starburst Promotions Foto: Starburst Promotions[/caption]

Kry hier ’n voorsmakie.

Spel Van Liefde is geskryf en getoonset deur Vaughan en Nerine Gardiner. Hugo Ludik en Vaughan het dit vervaardig en by Muse Studios gemeng.

Die liedjie is op Cordelia se debuutalbum, Breek Die Stilte. Dit word deur Real Music Distribution versprei.

Ander stories op Huisgenoot.com

Dis hoe jy swendelaars se Facebook-skelmstreke uitken

Hoe Winnie Rust gesterf het kom uit in hof

Sinead O’Connor ongedeerd gevind ná polisiesoekto

3 kg haarbol uit vrou se maag verwyder ná sy 22 jaar lank haar hare kou

Dié webwerf kan glo voorspel wanneer jy doodgaan – wil jy weet?

Susan Sarandon ontketen storm met skokaantyging teen Woody Allen