Hy was onmiddellik smoorverlief – en dié slag was dit nie iets wat 7de Laan se draaiboekskrywers vir Diederik Greyling bedink het nie.

Toe Hennie Jacobs, 28, sy babadogter, Nua, vir die eerste keer sien, het sy dadelik in sy hart gekruip.

En nou groei dié trotse pa se liefde vir sy eersteling net elke dag, selfs in die vroeë oggendure wanneer haar ouers wil slaap en sy wawyd wakker is.

“Sy lag op haar mooiste tussen drie- en vyfuur soggens,” vertel ma Marissa Vosloo-Jacobs trots.

“Hoe kan ’n mens dan nou omgekrap wees as jy daai laggie sien?” En ’n laggie spoel sowaar weer oor Nua se gesiggie, want Pappa speel dan met haar en sy hoor Mamma se stem.

As Diederik in 7de Laan is hy meestal maar onbeholpe en ’n bietjie skaam in vrouegeselskap, Die Laan seDiederikwys vir ons kleinNua, sy bondeltjie vreugde opwie hy skoon verlief is, maar wanneer die akteur met die seunsgesig om sy vrou en dogter koer, is daar geen teken daarvan te sien nie.

Teken in op Huisgenoot

Terwyl hy die bondeltjie in sy arms wieg, is daar ’n sagtheid in sy oë wat jy nie op die skerm sien wanneer hy as die flink kelner in Oppiekoffie ronddraf nie."Oe, sy’s Pa se meisiekind," sê Marissa (33) toe die kleintjie se gesig ophelder die oomblik toe sy hom sien.

"Ek het altyd geweet hy sal goed wees met kinders, want ons kom albei uit families met baie kinders. Maar hy verbaas

my regtig. Hy is ’n vreeslike raakvat-pa," prys Marissa.

Nua is op 22 Januarie in die Pretoria-Oos-hospitaal met ’n keisersnee gebore nadat haar ma drie weke te vroeg begin kraam het.

Lees die volledige artikel en sien meer foto's in die uitgawe van 8 April.