[post-slider]

“Tot dusver verloop dinge baie goed,” verseker sy ons. Die nuwe kleinding word na verwagting aanstaande maand gebore.

“Behalwe vir die sooibrand wat deesdae my beste vriend is en Paaseiers wat my vyand is, is ek baie geseënd dat hierdie swangerskap net so vlot soos die vorige een verloop.”

Sorina en haar man, Braam, se eersteling (ook Braam) is in 2014 gebore. Al verloop die tweede swangerskap ewe flink, meen Sorina daar is tog verskille as toe sy twee jaar gelede swanger was met hul seun.

Lees ookKyk net hierdie bekendes se verborge talente

“Met Braambossie kon ek net wanneer ek wou rus, slaap en ontspan. Ek het dit baie rustiger gevat en geen ander verpligtinge gehad nie. Maar nou is Braam daar en hy is superbesig. Ek hardloop omtrent heeldag agter hom aan en is my kanse vir slaap en rus gevolglik maar min.”

Watter boodskap wil sy aan haar dogter oordra? “Wees soos die son – ’n lig wat altyd skyn. Die son bring warmte waar ook al dit in die wêreld is. En dan om elke aand met sonsondergang jou kop te laat sak voor die Koning wat die Groot Lig in die lewe is.”

Sorina weet goed die roetine in haar huis gaan nou soos handomkeer verander, al is dit belangrik dat dinge om klein Braam se onthalwe so normaal moontlik gehou word.

Lees ook: Is dit pienk of blou vir Die Flooze?

“Ons het pas ’n ekstra bed by die hoofslaapkamer ingedra, want ons al vier gaan nou almal saam daar slaap – one big happy family!” vertel sy. “Ons is ’n hegte gesin wat daarvan hou om almal bymekaar te wees.”

Haar nuwe album, Hoofletters, is doelbewus laat verlede jaar uitgereik; nou is al die harde werk klaar voor die nuwe kleinding gebore word.

Sy het juis haar swangerskap aangekondig in die musiekvideo van die nuwe album se titellied. Nou kyk Sorina net vorentoe en begin solank die dae aftel tot haar dogter eendag saam met haar sal sing.

- Petrus Malherbe

Lees ook op Huisgenoot.com:

Al die Grammy-wenners vir 2016

Leonardo DiCaprio en Maggie Smith se oulike soenkamera-oomblik

Kantoorchaos kom tot ’n einde danksy ‘slim’ stoele

Eend of konyn? Watter een jy sien, verklap baie oor jou