’n Derde gas was die negejarige Angelou Roman, ’n talentvolle kitaarspeler wat kykers se harte gisteraand gesteel het.

Saam met Karen het dié drie die dak laat lig met ’n treffende weergawe van Vloek van die Kitaar/Thunderstruck, wat ouder gewoonte direk na die episode in die Suid-Afrikaanse iTunes-winkel beskikbaar gestel is en blitsig die trefferranglys geklim het.

Hierdie seisoen het Karen reeds talle trefferliedjies saam met kunstenaars soos Ard Matthews, Leon Schuster en Riana Nel opgeneem.

’n Hoogtepunt in vandeesweek se episode was toe Karen ’n tjek van R36 000 aan Thembeka oorhandig het om vir haar seun se skoolgeld te betaal. Thembeka het onder meer haar werk verloor toe sy haar droom gevolg het om aan The Voice deel te neem.

Dit was ook nie die enigste verrassing wat op kykers gewag het nie. Die sanger Bobby van Jaarsveld het ook sy verskyning in Keeping up with Marinda, ’n komiese insetsetsel, gemaak.

Kyk hier na Karen Zoid & Thembeka Mnguni met Almur Marais en Angelou Roman se Vloek van die Kitaar/Thunderstruck:

In volgende week se episode (8 November) word die Republiek besoek deur die Olimpiese swimmer, Ryk Neethling, en die boereprinses van Oranjeville, Lianie May.