Dit is presies wat onlangs met ’n paartjie van China gebeur het. Hy, al te netjies in sy swart pak uitgevat. Sy, pragtig in haar trourok wat wyd om haar uitklok. Hul vervoermiddel? ’n Elektriese bromponie.

Terwyl die tweetjies houtgerus die pad afry, tref hul huwelik sommer al die eerste gruwelike hobbel. Letterlik.

Óf die bruidegom is gewoond daaraan dat sy bruid so lig soos ’n vlinder is en dat sy nooit kliphard sal gil nie, óf die bruidegom is verlig dat hy self so lig van die seremonie afgekom het.

Die groot toets vir dié tweetjies se groot dag het in die vorm van ’n spoedhobbel opgeduik. Toe die bromponie se voorwiel daarmee kennis maak, was dit die laaste ding wat die bruid verwag het. Boonop het sy soos ’n ware dame sywaarts op die bromponie gesit en duidelik nie baie styf aan haar nuwe man vasgehou nie.

Die volgende oomblik sien jy net trourok, sykouse en skoene deur die lug trek. Die arme bruid kom met ’n allemintige slag in die teerpad te lande terwyl die bruidegom net totaal onbewus aanhou ry. Gelukkig vir haar het omstanders bitter gou ’n helpende handjie, en waarskynlik ’n trooswoord of twee, aangebied.

Dit is onseker of die bruidegom teruggekeer het na die toneel.

Maar wag, sy’s nie enigste bruid wat onbepland en hopeloos té hard tot ’n val gekom het nie!

Hier’s nog ’n paar bruid- en bruidegomblapse. Wees maar versigtig wattter vervoermiddel jy vir jou spesiale dag kies!

Dié arme bruid het haar eie Titanic-oomblik gehad.

Kamera, aksie en . . . trappe!

Dié perd kon allermins die wit gedoente op sy rug verdra. Selfs die bruid se beste rodeo-greep kon haar nie van ’n allemintige landing op die strand red nie.

Hierdie bruidegom is letterlik deur sy bruid van die afgrond gered.

Meneer, die bruidegom, trou is nie perdekoop óf ry nie.

Nou maak die Engelse uitdrukking “falling in love” geheel en al sin, veral as jy na hierdie paartjies se eskapades op hul troudag kyk.