len use

Maar vir Len is dit veel meer as net sy jongste enkelsnit. Dit gaan oor met ’n nare persoonlike ondervinding wat hy ’n paar jaar gelede gehad het.

Lees ook: Byna helfte van SA is opgaarders – is jy een?

“Ek was in ’n ernstige motorongeluk betrokke omdat my vriend dronk bestuur het.”

Met sy nuwe lied wou Len ’n sterk boodskap oordra wat ’n verskil in mense se lewens kan maak.

“Dit het my laat dink dat om op jou selfoon te tik en te bestuur net so sleg soos dronkbestuur is, omdat dit nie net jou eie lewe in gevaar stel nie, maar ook die van ander mense op die pad.

“Ek is vreeslik skuldig daaraan, maar die lied gaan oor tweede kanse en in die musiekvideo probeer ons dit ook so uitbeeld.”

Hoewel die ongeluk ’n paar jaar gelede plaasgevind het, het Len onlangs ’n onstellende droom oor sy eie begrafnis gehad.

“Die begrafnisondernemer het gepraat oor geure en dat ons elkeen ’n sekere geur agterlaat. Ek onthou ek het vir myself gestaar wat daar in die kis gelê het en ek het gewonder wat my lewe beteken het . . . Dit het my laat dink aan my nalatenskap.”

Lees ook: Man se liefdestaak om sy vrou weer te sien glimlag

“Toe ek die oggend wakker word, het ek toevallig ’n skryfsessie met my goeie vriend Jattie de Beer geskeduleer. Hy het die oggend ingestap, by die klavier gaan sit en Vir Die Een Wat Geval Het se inleiding begin speel. Ons het binne twee ure saam die lied geskryf.”

*Vir Die Een Wat Geval Het se musiekvideo word eksklusief op 5 Maart 2016 op kykNET se program Jukebox bekendgestel.

Kitsfeite oor Len:

Len is oorspronklik van Richardsbaai afkomstig.

Hy was tot aan die einde van 2011 voorsanger van die alternatiewe-rockgroep DieFoute.

Len se debuut-album Doodgewone Avontuur is in 2015 uitgereik

Sy liedjie Smag Na Jou verskyn op die klankbaan van die fliek Strikdas.

Len se musiekvideo Sarie Marais in samewerking met Stef Bos het so pas die 10 000-kykerkerf verbygesteek.

Bronne: netwerk24.com, kyknetdstv.com, facebook.com

Ook op Huisgenoot.com

Wonderlike hereniging tussen oorstelpte vrou en haar hond

Bekoorlike Cabbage Patch Kids keer terug

Seekoei maak man dood op Valentynsdag

K2-tweeling se foto’s gebruik vir aanlyn leuens