Die sangeres Charlize Berg het die liedjie Braaf, wat op haar nuwe album, As Jy Weet Dis Liefde, verskyn, Saterdag op Jukebox bekendgestel.

Ander liedjies op die album wat aandag trek, is Hartseer Hart, As Jy Weet Dis Liefde, Asof Liefde Nie Seermaak Nie en Ontbreek.

Die liedjie Braaf is in ’n woud opgeneem om die idee van ’n sprokiesverhaal verder te voer.

Kyk: Danspassies van knapie in kruisbande bekoor

Verskuilde spieëls tussen die lowerryke plantegroei verweef, versterk die liefdesverhaal van twee mense wat dapper kan wees, al is hulle nie meer bymekaar nie.

Elke mens kom op een punt in hul lewe waar dinge dalk nie uitgewerk het soos hulle beplan het nie, of waar ’n mens somtyds wil moed verloor . . . asof jy verdwaal in ’n woud, sonder rigting.

Die video gaan daaroor om die dapper, sterker mens wat jy weet jy kan wees, te soek en te konfronteer. Dit is soos om vir jou spieëlbeeld te kyk, die dapper mens te vind en weer aan te gaan.

Charlize is opgewonde oor haar nuwe album. Sy was deel van die skryfproses en die kies van elke liedjie. “Dit beteken vir my iets persoonliks; ek gee ’n stukkie van my hart.”

Kyk: EKSKLUSIEF: Hier is Charlize Berg se splinternuwe musiekvideo

Volgens haar kan aanhangers ’n eiesoortige album verwag wat wissel van saamsing-liedjies tot danstreffers en ballades.

“Die album is deur liefde geïnspireer: om jouself op te tel ná ’n gebroke hart of om by ’n punt te kom in jou lewe waar liefde jou altyd sal inspireer om jouself te kan wees,” sê sy.

Ander stories op Huisgenoot.com

‘Sy gee my hoop’: Neels van Jaarsveld gesels oor die toekoms, die liefde in sy lewe

Kyk: Babahondjie ontsnap kake van ’n luislang

Kyk: Die internet op hol oor ‘papierdun’ vroue

Lianie May verklap iets oor haar gesondheid wat aanhangers nie geweet het nie

Anneli van Rooyen praat oor haar siekte: ‘Soms is daar amper niks van my oor nie’