DIE BESTE MEDISYNE deur Kurt Darren ***** (Bemarking: Select Musiek; Verspreiding: SMD)

Teken in op Huisgenoot

En daar doen Kurt Darren dit toe wraggies weer: Hy skryf ’n liedjie wat die Afrikaanse klankbaan van ’n hele jaar kan word. Verlede jaar was dit Kaptein en vanjaar Kom Bietjie Hier. Dis ’n Afrikaanse verwerking van die groep Mafikizolo se treffer Ndihambe Nawe en het ’n trots Suid-Afrikaanse gevoel wat die tydsgees in die aanloop tot vanjaar se Wêreldbeker-sokkertoernooi volmaak vasvang.

Kurt se nuwe CD, Die Beste Medisyne, staan geen tree terug vir sy vorige album, Uit die Diepte van My Hart, nie. En wag net tot jy sy en Laurika Rauch se duet Slang in die Gras hoor... Dit sal jou hoendervel gee!

Wat dink jy van Kurt se nuwe CD? Gee jou opinie in die kommentaarveld hieronder.

Kry nog musieknuus in Huisgenoot van 14 Januarie.