Die 37-jarige aktrise – wat ’n 12-jarige dogter, Mia, uit haar huwelik met die regisseur Jim Threapleton en ’n negejarige seun, Joe, uit haar huwelik met die regisseur Sam Mendes het – het bevestig sy verwag haar eerste kind by Ned.

’n Woordvoerder vir die egpaar het aan People.com gesê: “Kate en Ned is verheug.”

Die Oscar-wenner, wat in Desember in ’n geheime plegtigheid afgehaak het met Ned, wat familie is van sir Richard Branson, het al voorheen gesê sy wil graag minstens nog een kind hê.

In 2006 het sy in ’n onderhoud met InStyle gesê: “Ek weet nie of ek nog een of twee wil hê nie. Liewe hemel, ek sou graag meer wil hê.”

’n Bron het onlangs aan die tydskrif Star gesê Ned (34) wil bitter graag pa word. Die bron het gesê: “Kate weet hoe graag Ned wil pa word. Sy dink hulle sal die oulikste kind saam hê. Hulle wil teen die einde van die jaar swanger raak. Dit is haar hoofprioriteit dat hulle ’n kind saam moet hê.”