cheesy_potato_soup

Jou benodighede:

2 kg aartappels

500 g ham

500 ml (2 k) room

350 g cheddarkaas

Skil die aartappels en sny in klein blokkies. Kook tot sag. Voeg ’n bietjie room by en maak fyn. Sit die mengsel in ’n voedselverwerker en verwerk tot glad. Giet dit dan in ’n skoon pot. Sny die ham in klein blokkies en voeg by die aartappelmengsel. Bring tot kookpunt en laat prut. Rasper die kaas fyn en voeg by die mengsel. Laat prut tot die kaas gesmelt is. Voeg die room by om die sop na smaak te verdun. Sit voor saam met heerlike kaasstokkies!

Resep: Your Little Blog

Resep-ontwikkeling: Jaun Laubscher

Foto’s: Vörsprung Studio