Karen Zoid en Claire Johnston van Mango Groove-faam het in Donderdagaand se episode van die Republiek van Zoid Afrika die ikoniese treffer Moments Away gesing.

Die ander gas in Karen se republiek was die akteur Marius Weyers.

Sedert die derde seisoen van die Republiek van Zoid Afrika op 7 Januarie begin het, het Karen se verwerkings van geliefde liedjies dadelik Suid-Afrikaanse iTunes-treffers geraak.

Lees ook: Gys de Villiers ontsenu in nuwe rillerprent

Die huidige seisoen se treffers is: Dis ’n Land (saam met Snotkop), Jantjie Kom Huis Toe (saam met Emo Adams), African Dream (Vicky Sampson), Met Jou Aan My Sy (Les Javan) en Tussen Woorde (Juanita du Plessis).

Karen het in 2015, met die tweede seisoen van haar geselsprogram, vir weke die topposisie op iTunes se trefferlys gehaal.

Dié album, Republiek van Zoid Afrika, Volume 2, het nou met die nuwe seisoen nuwe aandag van musiekliefhebbers getrek. Dit is die afgelope weke opnuut een van die gewildste albums op iTunes.

Lees ook: Local is lekker, bewys SA sjef wat in Frankryk Michelin-ster kry

Moments Away kan in die Suid-Afrikaanse iTunes-winkel vir R9,99 gekoop word.

Kitsfeite oor Claire Johnston

  • Hoewel Claire in Hertfordshire, Engeland, gebore is, het sy die grootste deel van haar lewe in Suid-Afrika deurgebring.
  • Sy maak op 10 haar verhoogdebuut as aktrise, danser en sangeres in die blyspel Annie as Tessy die tjankbalie.
  • Claire was 17 jaar oud toe sy by Mango Groove aansluit.
  • Vir haar eerste optrede het sy ’n skrale R60 verdien.
  • Bo en behalwe haar betrokkenheid by Mango Groove, het Claire ook ’n suksesvolle sololoopbaan.
  • Claire kan enige woord blitsig in trurat sê (agterstevoor-om).
  • Haar amptelike Rugbywêreldbeker 2003-liedjie, Together as One saam met Jeff Maluleke, is in Maori vertaal. Dit is nou die amptelike rugbylied vir die Stille Oseaan-eilande.

Bronne: Wikipedia.com, mangrogroove.co.za

Volgende keer op RZA:

In die volgende episode van Die Republiek van Zoid Afrika, wat op 25 Februarie uitgesaai word, kuier die rockdigter Jan Blohm en die RSG-omroeper Martelize Brink saam met Karen.

Ander stories op Huisgenoot.com

Vier spyskaarte wat jou Valentyn sal laat swymel

Deel jou trots op jou dorp met Kwêla

Gedink daar’s net ooievaarstees? Watwou! Bobby hou ’n doekedinee

Man skryf ope brief aan ander mans in die versoeking om te kul: ‘Moenie soos ek met spyt saamleef nie’

Hoekom is daar ’n gaatjie bo-aan my Bic-pen se doppie?