Carike en Pedro was gaste op Karen se gewilde geselsprogram, Republiek van Zoid Afrika. Toevallig is die program ook uitgesaai op Carike se verjaarsdag.

Ouder gewoonte is die program afgesluit met ’n gewilde liedjie en gisteraand was dit Byeboerwa se beurt – Karen het saam met Carike dit gesing, met Pedro agter die klawers.

Sedert die derde seisoen van die Republiek van Zoid Afrika vroeër vanjaar begin het, het Karen se verwerkings van geliefde liedjies dadelik Suid-Afrikaanse iTunes-treffers geraak.

Tot op datum het Dis ’n Land (met Snotkop), Jantjie kom Huis toe (met Emo Adams), African Dream (met Vicky Sampson), Tussen Woorde (Juanita du Plessis), Met jou aan my Sy (Les Javan), Moments Away (Claire Johnston) en Groen Trui (Jan Blohm) almal tot bo-aan die trefferlys geklim.

Hierdie is beslis nostalgie op sy héél beste.

Ander stories op Huisgenoot.com:

Ontmoet Gizmo en Nonnie, die twee Yorkies wat onlangs trou aan mekaar beloof het

Hierdie 19-jarige perderuiter is die wêreld se jongste biljoenêr

Ag moeder! Kyk net hoe oulik is AB de Villiers se kleinding!

Talle diere vrek ná hul vergiftigde karkas in Krugerwildtuin vreet