Sy mediaspan het ’n verklaring uitgereik waarin staan Jack is vanoggend in die vroeë oggendure aangehou vir beweerde rusversteuring. Die rapper en vriende was by die Vaalkopdam, sowat 60 km suidoos van Northam, waar die gewilde Oppikoppi-fees eerskomende naweek gehou sal word. Hy en ’n vriend het glo vroegoggend met ’n katamaran op die water uitgegaan en in die proses ’n groot geraas veroorsaak.

Jack beweer nadat hulle gevra is om stil te wees, het hy vreedsaam teruggekeer en vir die owerhede verduidelik hulle het ’n boot geleen. Hulle word tans aangehou op klagte van openbare oproer en rusversteuring.

Daar is bespiegel die nuus is bloot ’n grap, maar Louise Crouse, Jack se publisiteitsbestuurder, het die nuus aan Huisgenoot se susterspublikasie YOU bevestig. “Dis waar. Jack het ons vanoggend gebel en daarvan vertel.”

Jack was nie beskikbaar vir kommentaar nie.

- Jessica Levitt