Reeds in die 1990's is daar begin met navorsing om elektronika en plante te kombineer.

In 2012 het Magnus Berggren van die Linköping University in Swede die navorsing weer saam met 'n nuwe groep navorsers aan die gang gesit

Hulle het dit reggekry om die aarstelsel van roosstingels binne te dring met behulp van 'n sintetiese produk sodat hulle die basiese elektroniese stroombaan binne die plant kan bou. Berggren en sy span het met verskeie sintetiese produkte geëksperimenteer wat suksesvol tot die geleiding van 'n elektriese stroom binne-in die plant gelei het.
“Nou kan ons regtig van kragplante begin praat"

Hulle het telkens misluk, maar het uiteindelik sukses behaal en kon hulle 'n produk vind wat self in 'n stroomgeleier omskep kon word. Dit het bestaan uit 'n draad van tot 10 cm lank wat binne die plant se houtweefselkanaal kon lei.

Dit was belangrik dat die plant steeds vryelik toegang tot water en voedingsprodukte sou geniet om aan die lewe te bly.

In hierdie stadium het die navorsingspan dit ook reggekry om liggies as't ware binne die blare van plante te laat skyn. Berggren se asem was weggeslaan toe hy sien hoe goed dit gewerk het.

“Nou kan ons regtig van kragplante begin praat - ons kan sensors in plante sit en die energie wat deur chlorofil gelewer word (om hul krag te voorsien) benut om nuwe produkte te skep," het hy gesê.

"Alles vind natuurlik plaas en ons gebruik die plante se eie, baie goed gevorderde stelsels."

Van die planne wat vorentoe aan gewerk gaan word, sluit onder meer in om die chemiese energie in gestoorde elektriese energie te omskep.

“Die toekoms gaan verskeie maniere van energie-omskeppingstelses inspan," sê hy. "Ek kan nie nou al sê hoeveel daarvan van plante afkomstig sal wees nie, maar plant-energie stel 'n interessante nuwe manier voor waarop ons energie van die wêreld rondom ons kan inwin."

“In die verlede het ons altyd hierdie bronne opgekap of verbrand nadat ons dit gebruik het. Miskien is hierdie 'n oplossing om energie van plante te bekom sonder om hulle dood te maak."

Bronne: motherboard.vice.comscienceadvances.org