GEBORG

In Mei land Iron Maiden, die suksesvolste heavy metal-groep ter wêreld, in Suid-Afrika vir hul The Book of Souls-wêreldtoer.

Hul eerste plaaslike vertoning vind op 18 Mei plaas by die GrandWest Casino in Kaapstad en die tweede op 21 Mei by Carnival City-casino in Johannesburg.

Iron Maiden vlieg weer die wêreld vol op hul privaat vliegtuig, Ed Force One, en die groep se hoofsanger, Bruce Dickinson, is die vlieënier.

edforceone_infographic

Lees ook: Dis ‘Vive la France’ én ’n nuwe musiekvideo vir Francois van Coke!

“Ons sien uit daarna om die Jumbo terug te neem na ’n hele paar van ons gunstelingbestemmings. Ek is veral bly ons gaan Suid-Afrika toe, want al was die groep voorheen al daar, is dit my en Adrian Smith se eerste besoek as lede van Iron Maiden. Ons is opgewonde daaroor om al ons aanhangers te sien,” het Bruce voor die begin van die toer gesê.

Hy het ook verklap heelwat van hul ouer treffers gaan op die speellys wees, asook musiek van die nuwe album. Aanhangers hoop om onder meer Hallowed Be Thy Name, The Trooper, Fear of the Dark of dalk The Number of the Beast eerstehands te hoor. “Ons werk hard om ons aanhangers iets skouspelagtigs te bied, iets met siel!”

Hier is ’n paar kitsfeite oor die The Book of Souls-toer:

ATLANTA 23-6-12 MAIDEN ENGLAND 2012-37999

  • Die groep, produksiespan en meer as 12 t toerusting reis met die nuwe Ed Force One na ses van die sewe vastelande.
  • Vir die toer gaan Iron Maiden meer as 88 500 km aflê en in 35 lande optree. Hulle speel vir die eerste keer voor gehore in China en El Salvador.
  • Ed Force One sal weer buiteom met die Iron Maiden-logo en kunselemente van die nuwe album getooi word.

Daar is nog kaartjies beskikbaar vir Iron Maiden se twee optredes in Suid-Afrika. The Raven Age behartig die voorprogram vir al die vertonings op die toer.

Afrikaans web

Bespreek jou plek vir Kaapstad of Johannesburg by Computicket.