Dit lyk heeltemal te goed om waar te wees.

Die amateurwildlewefotograaf Martin Le-May het die ongelooflike oomblik buite sy tuisdorp, Essex in die Verenigde Koninkryk, op kamera vasgevang en op sosiale media gedeel. Hoewel dit lyk of die wesel heel onskuldig ’n gratis rit op die voël se rug geniet, verduidelik voëlkundiges die soogdier was eintlik besig om die voël aan te val toe die voël hom op sy rug wegvlieg. ’n Ent verder het die houtkapper gaan land, waarna die wesel in die lang gras verdwyn het.

Aanvanklik is vermoed Martin het die foto gemanipuleer, maar hy het volgehou hy het nie. Dit het geensins flink internetgebruikers gekeer om die foto gou in snaakse memes te omskep nie. Die hutswoord #weaselpecker is gister wyd op Twitter versprei.

Hier is ’n paar van die snaakste manipulerings waarmee grapmakers vorendag gekom het.

 

 

 

 

Bronne: The Guardian, ITV.COM