Die verklaring is op 4 Desember 2015 voor landdros Lourens afgelê. Dis deur kol. Francois van der Merwe in die hof voorgelees.

Volgens die verklaring het dwelmbase Fanie deurerntyd gedreig. Dit het hom egter nie juis gepla nie; hy het ’n vuurwapen aangeskaf en sou binnekort uit Springs trek.

Na bewering het die dwelmbase hom ook dopgehou en hom dwelms gegee.

Francois het voorgelees hoe die Libanese dwelmbase Fanie glo gedwing het om van kamer tot kamer te loop en sy gesin te skiet.

KC Koertzen, die vermoorde Thea se swaer, het ook in die getuiebank verskyn.
KC het om halfvyf die oggend op die moordtoneel aangekom. Fanie het kalm aan hom gesê: “Alles is ’n  flop.” Sy ma het gesê almal is dood.

Hy het die moordhuis binnegegaan. Carlia was op haar bed en Philip op die vloer. Hy kon egter nie verder deur die huis gaan nie.

Die staat het Vrydag sy saak gesluit. Dit sal op Dinsdag 25 Oktober 2016 hervat word.