Die groep het die geleentheid gekry om Donderdag by die Royal Variety Performance by die London Palladium met Catherine en prins William, die hertog en hertogin van Cambridge, te gesels. En drie van hulle het gepraat oor hoe ongemaklik hulle was. Catherine is 16 weke swanger met haar tweede kind, en die 20-jarige Harry Styles was vasbeslote om haar geluk te wens.
'Sy het nie so ’n groot boep gehad nie.'

“Ek het gesê, geluk met die boepie,” het hy van die ontmoeting gesê. “(Maar) sy het nie so ’n groot boep gehad nie.”

Die res van 1D, Louis Tomlinson, Liam Payne, Niall Horan en Zayn Malik, het ook die kans gekry om koninklike geselskap te geniet. En blykbaar het Liam se senuwees ook geknaag.

“Ek dink nie ek was al ooit so senuagtig nie,” het hy agterna erken.

Maar dit is dalk Louis van die wenkbroue die meeste laat lig het. Hy het onthul hy het ’n groot flater begaan toe hy Catherine en William groet.

“Ek het nie mevrou gesê nie,” het hy erken. “Ek het gesê, hallo, hoe gaan dit? Ek is Louis.”

Maar die ouens het nie te sleg gevaar by prins William nie. Die pa van een het blykbaar gesê hy “hou ’n oog” op die groep.

Die aand was propvol vermaak van gewilde kunstenaars van oor die hele wêreld. Ellie Goulding, Demi Lovato, Ed Sheeran en Simon Cowell het almal voor die koninklikes op die verhoog verskyn.

© Cover Media