retha Wiid is die toonbeeld van ’n moderne, modieuse vrou. En manlief Francois pas perfek aan haar sy met sy gejelde hare en bonkige juweliersware.

Sy skroom nie om woorde soos seks, masturbasie en orgasme te gebruik nie – sy verdien immers haar brood met praatjies, met handleidings wat sy oor seksopvoeding skryf en met die verkoop van DVD’s oor onder meer die huwelik. Maar Gretha is terselfdertyd ’n vrou wat nege jaar gelede tot bekering gekom het, destyds op die rand van bankrotskap en met haar eie huwelik wankelend oor Francois se affair.

In Pretoria het baie moedelose getroudes aanklank gevind by haar boodskap. En toe sy verlede jaar in die styl van die prediker Angus Buchan haar eie Worthy Woman Conference hier aanbied, het nie minder nie as 7 000 vroue kom luister.

Maar deesdae is dit veral haar en Francois se DVD met die titel Seks en die Huwelik wat opslae maak. Daarin sê sy immers hoogs omstrede dinge soos dat alleen-masturbasie sowel buite as binne die huwelik taboe is, nes seksspeelgoed, en dat God se gees nie deel kan wees van seks buite die eg nie.

Eintlik is enige intimiteit voor die huwelik uit, sê sy. Ongeag jou omstandighede, daardie lyn mag nie oorgesteek word nie. “Dit beteken ook nie jy moet trou om vinniger seks te hê nie. Jy moet net trou as jy weet dit is die maat wat God vir jou uitgesoek het.

“God het nie bedoel dat jy jou eie lyf moet ontdek nie. Ek weet seksoloë sal van my verskil, maar dit doen meer skade as goed. “Om te ontdek wat jou prikkel, is iets wat jy saam met jou man moet doen.”

Die lyn is inderdaad fyn: In die huwelik mag julle mekaar se liggame geniet en wedersyds betas, sê Gretha, maar wel nie alleen nie.

“Die riglyne is nie om jou pret te bederf nie, maar om jou te beskerm. Ons weet uit duur ondervinding hoe geseënd ’n mens binne dié raamwerk kan leef. Dit is wat God vir almal wil hê.”

Die volledige artikel verskyn in Huisgenoot van 25 Februarie.

Bespreek vir Skouspel!