Hier is wat ons tot dusver weet:

  1. Die vliegtuig was onderweg na Düsseldorf in Duitsland vanaf Barcelona, Spanje.
  2. Daar was 144 passasiers, vier bemanningslede en twee loodse aan boord.
  3. Minstens 45 passasiers was Spanjaarde. Daar was ook Duitsers en Turke aan boord.
  4. Germanwings vlug 4U 9525 het vanoggend om 08:55 plaaslike tyd uit Barcelona vertrek. Byna twee uur later, om 10:47, het dit ’n noodsein uitgestuur en kort daarna van radarskerms verdwyn. Dit moes om 11:55 in Düsseldorf aangekom het.
  5. Die vliegtuig het neergestort in die suide van Frankryk tussen die stede Digne-les-Bains en Barcelonette, sowat 100 km noord van Nice.
  6. Die Franse president, Francois Hollande, het aangekondig dat dit “onwaarskynlik” is dat iemand die ongeluk oorleef het.
  7. Die oorsaak van die ongeluk is nog onbekend.
  8. Dit is die ergste vliegongeluk in Frankryk sedert die neerstorting van Concorde se vlug 4590 in 2000 waarin 113 mense omgekom het.

Bronne: Vice News; Airlive.net