En Pippa Middleton (33) gaan beslis nie teleurstel nie!

fly_1178796_middleton_001

Die toekomstige mev. James Matthews sal Sondag voor die kansel staan in wat beloof om die glanstroue van die eeu te wees. Dis nou buiten die dag toe haar ousus kansel toe gestap het in ’n propvol plegtigheid wat regstreeks op televisie na miljoene mense wêreldwyd uitgesaai is.

Maar ons dwaal af.

Pippa en haar 40-jarige sakemanverloofde sal in die St. Mark’s-kerk in Englefield, net buite the Middletons se tuisdorp Bucklebury, Berkshire, afhaak. Kate en Pippa se ouers, Carole en Matthew Middleton, woon steeds daar.

fly_1178796_middleton_007

Die Middleton-familie se landgoed is net 11 km van St Mark’s af. Die gaste sal ná die “formele drankies” daarheen gaan om te eet, nog te drink en vrolik te wees op die statige eiendom van R95,4 miljoen.

Die voorbereidings vir die spoggerige onthaal is in volle gang, met ’n weelderige markiestent met glaspanele wat reeds op ’n grasperk op die landgoed opgeslaan is.

fly_1178811_wedding_preps_007

Dit is gerieflik, want reën word vir Sondag voorspel – wat nie ideaal is as jy ’n tuinparty vir jou huweliksonthaal beplan het nie!

Volgens The Sun is die struktuur sowat 12 m x 36 m groot en bied dit plek vir sowat 350 gaste.

fly_1178802_middleton_007

Onder hulle sal haar ouer suster, Catherine, die hertogin van Cambridge (35), en dié se man, prins William (34), en hul koninklike kleingoed, prins George (3) en prinses Charlotte (2), wees. Die bloubloedboetie en -sussie gaan elk ’n vername rol op die groot dag speel. George gaan die hofknaap wees en klein Charlotte ’n blommemeisie.

FOTO’S: MAGAZINE FEATURES

Bronne: MAGAZINE FEATURES, The Sun, PEOPLE Magazine