Die veelsydige Marno van der Merwe is nie net ’n mooi gesiggie op die kassie nie; hierdie 31-jarige kunstenaar hou ook graag sy lyf sanger.

Die ster van TV-reekse soos Sterlopers (op kykNET) en Roer jou Voete (op SABC 3) en flieks soos Modder en Bloed vertel die kunste is al van kleins af in sy bloed. “Van kleintyd af wou ek net mense vermaak met sang, dans en toneelspel,” vertel hy.

Lees ook: ‘Sy’t ja gesê!’: Geliefde akteur het die skoot omtrent hoog deur ná verlowing

Marno het self sy eerste enkelsnit, Uitverkoop aan Ons, geskryf. Die liedjie handel grootliks oor die liefde, spesifiek hoe Marno dit sien. “Liefde is nie iets wat ligtelik opgeneem moet word nie,” verklap hy sy siening. “Dis veronderstel om permanent te wees.”

Daarom sing hy hier: Dit is amper iets soos ’n kontrak. As jy dit geteken het, is dit bindend. Maar vanuit ’n liefdesoogpunt is dit vrywillig bindend.

Die enkelsnit word later vandeesmaand uitgereik. Later vanjaar reik Marno ook sy debuutalbum uit.

Marno vertel hy maak al van sy laerskooldae in Rustenburg af musiek. Op 10 was hy reeds vaardig agter ’n tromstel waarna hy homself leer kitaar speel het. Ná skool het hy ’n kursus in teologie aan die Lewende Woord-Bybelkollege gevolg, “maar my passie vir die verhoog het oorgeneem en ek moes kies”.

Lees ook: Braaf, ’n liedjie deur Charlize Berg, is pas uitgereik

Met geen formele opleiding of ervaring nie, maar met ’n sak vol drome, het hy die een oudisie ná die ander bygewoon en eindelik in 2008 sy eerste rol – in ’n Barnyard-produksie – losgeslaan.

Hy is tans te sien as JJ Ratel Wessels in die oorlogsprent Modder en Bloed.

Buiten sing en toneelspel is Marno ook lief vir sport. “Ek het ’n voorgee van 10 op die gholfbaan en doen gereeld rotsklim,” vertel hy. Hy is ook ’n kranige perderuiter en reis ook graag. “Ek probeer elke jaar ’n nuwe plek of land in die wêreld ontdek.”

SINGLE COVER  600

– Petrus Malherbe

Ander stories op Huisgenoot.com:

Ouma oorleef wonderbaarlik ná sy deur veiligheidshek se spitspen deurboor word

Is dit dalk beter om bles te wees?

‘Sy’t ja gesê!’: Geliefde akteur het die skoot omtrent hoog deur ná verlowing

Kyk: Kettingbotsing in China laat hoofweg soos ’n skrootwerf-nagmerrie lyk

Eksklusief: Ontmoet Koekedoor 2 se tien nuwe deelnemers