Die gewilde JacarandaFM-omroeper Martin Bester het einde verlede jaar vlugtig sy radiostem vir ’n sangstem verruil met die uitreiking van sy eerste enkelsnit, Wat Weet Ek Tog.

[caption id="attachment_117406" align="alignnone" width="600"]Foto: Verskaf Martin skiet sy nuwe musiekvideo vir die enkelsnit Ou Spoor. Foto: Verskaf[/caption]

Nou kan sy nuutgevonde aanhangers gretig nader skuif vir sy tweede enkelsnit, Ou Spoor. Dié liedjie word vandag landwyd op radiostasies gespeel, en die musiekvideo word eksklusief op huisgenoot.com bekendgestel.

Lees ook: Hou dié datums oop: Groot geleentheid vir kinderakteurs

Buiten die uitreiking van ’n nuwe liedjie, beloof 2016 om ’n propvol jaar vir Martin te wees. Hy reik later vanjaar sy eerste Afrikaanse album uit en sal ook van einde Maart af weer op die kassie te sien wees as die aanbieder van die werklikheidsprogram Wie’s My Liefie? op VIA (DStv-kanaal 147).

Martin het voorheen programme soos Tweestryd en D.K.N.T. aangebied.

Wie’s My Liefie? is ’n leefstylprogram wat enkellopendes help om liefde te vind. Ou Spoor, Martin se nuwe enkelsnit, gaan ook oor die liefde en hoe paartjies die liefde tussen hulle kan herontdek.

Lees ook: Gedink daar’s net ooievaarstees? Watwou! Bobby hou ’n doekedinee

Maar moenie bekommerd wees nie: Martin gaan steeds aan met sy daaglikse radioprogram op JacarandaFM.

Hier is die splinternuwe musiekvideo vir Ou Spoor:

Ons het dié veelsydige omroeper, akteur, aanbieder en sanger oor sy nuwe musiek en televisieloopbaan gepols.

1. Wat was die inspirasie agter die liedjie Ou Spoor?

Dat alles, veral as dit by die liefde kom, hernu kan word. Partykeer verg dit net ’n nuwe aanslag en ’n bietjie meer moeite, maar niks kan vergelyk word met daai gevoel om met ’n doel op te staan nie. Veral as daardie doel is om ’n beter maat te wees.

2. Sou jy sê jy is ’n romantiese siel?

Ek sou so dink, ja! Ek hou daarvan om iemand spesiaals te verras.

3. Is Ou Spoor dus vir iemand spesiaal geskryf?

Haha, ja. Spesiaal vir almal.

4. Het jy enige pretstaaltjies om te vertel oor die maak van die musiekvideo?

In die hartjie van Pretoria het ons die ideale plek gevind; dit het ’n plaasatmosfeer en het perfek by die gevoel van die liedjie gepas. Al wat ek kan sê, is dat ek baie bly is dat ek nie die een was wat moes dans nie. Ek haal my hoed af vir daardie paartjies! Hulle moes aanhou dans en dans tot ons die regte skoot gekry het.

5. Sien jy uit na jou verskyning op die kassie in Wie’s My Liefie?

Ek is bitter opgewonde! Ek hoop regtig ons bring die regte mense bymekaar. Die adrenalien gaan definitief pomp wanneer die kameras begin draai.

6. Het jy enige spesiale Valentynsdagplanne?

Glo dit of nie, ons skiet die hele dag aan Wie’s My Liefie? Ek dink dit gaan nogal spesiaal wees: ’n Valentynsdagweergawe van ’n liefdesprogram waarop mense na ware liefde soek.

Ander stories op huisgenoot.com:

Sterre skitter by Bolandse première van Vir Altyd

Sexy Bobby slaan asems weg met Engelse musiekvideo

Kyk net hierdie bekendes se verborge talente

Hoe nou? Kyk net watter lawwe verskonings gebruik mense om weg te bly van die werk af!

Nuttige veiligheidswenke om jou spruit te beskerm

Wat is die gevaarlikste dier ter wêreld???