Die langverwagte temalied vir die nuwe Afrikaanse dramaprent Modder en Bloed is eindelik hier.

[caption id="attachment_118017" align="alignnone" width="600"]Bok van Blerk sing die temalied vir Modder en Bloed. Foto: Verskaf Bok van Blerk sing die temalied vir Modder en Bloed. Foto: Verskaf[/caption]

Huisgenoot.com-lesers het Woensdag die eksklusiewe geleentheid gehad om héél eerste behoorlik na Bok van Blerk se splinternuwe treffertemalied vir die rolprent Modder en Bloed te luister.

Ongelukkig was die liedjie net van 09:00 Woensdag-oggend tot 20:00 Woensdag-aand beskikbaar.

Regisseur, skrywer en vervaardiger van Modder en Bloed, Sean Else, en sy musiekvennoot Johan Vorster (van Eden-faam) snoer vir die eerste keer in vyf jaar weer kragte saam deur die temalied vir Modder en Bloed te skryf.

Van hul vorige treffers sluit De La Rey, Ons vir jou Suid-Afrika en Pa en Seun in.

“Die temalied, wat ook Modder en Bloed genoem word, is deur die fliek geïnspireer en vertel van skuldgevoelens en hoe ’n mens jouself kwalik neem as jy nie daartoe in staat is om jou familie te beskerm nie,” vertel Sean.

Lees ook: Sean Else gesels oor sy nuwe rolprent Modder en Bloed

Modder en Bloed speel tydens die Anglo-Boereoorlog af en vertel die verhaal van ’n brawe groep Boerekrygsgevangenes wat op St. Helena-eiland in die Atlantiese Oseaan aangehou word.

“Die liedjie gaan ook oor wat jy as individu, of julle as groep moet doen om van die as te verrys . . . uit die modder en bloed. Jy moet terugdraai na God en die krag vind om voort te gaan.”

Die De La Rey-sanger, Bok van Blerk, sing nie net die temalied nie, hy is ook in die fliek te sien saam met ander gesoute akteurs soos Stian Bam, Altus Theart, Edwin van der Walt en Marno van der Merwe.

Lees ook: Ons gesels met Modder en Bloed se Stian Bam en Charlotte Salt

Modder en Bloed begin 1 April 2016 landwyd in fliekteaters wys.

Kyk hier na die lokprent:

[caption id="attachment_112271" align="alignnone" width="469"]Foto: Verskaf Foto: Verskaf[/caption]

Ander stories op Huisgenoot.com:

Skoolkind en man sterf in botsing, talle ander beseer

Pragtige foto’s van swanger Sorina

Vir Altyd laat die liefdesvure by die loket brand

Al kry hy nie Grammy nie, maak SA gospelsanger landgenote trots in VSA