Die jong vrou van Plymouth, Engeland, het gesien hoe ’n vreemdeling op Instagram haar liggaam (en kombuis op die agtergrond) in die sosiale media gebruik het. Sy was geskok oor die gewysigde foto, berig The Sun. “O my God,” het Jessica op Twitter geskryf. “Dis my lyf en my huis, maar wie se gesig is dit!?! Die Catfish-speletjie raak simpel.”

Die foto is andersins nie verander nie. Jessica het nie uitgebrei oor waar sy die gesteelde foto gevind het of waarvoor die Photoshop-dief dit gebruik het nie. Volgens die Urban Dictionary, verwys “catfishing” na die fenomeen waar internetboewe aanlyn identiteite en hele sosiale kringe saamflans, ten einde mense (oor ’n lang tydperk) in emosionele of romantiese verhoudings te bedrieg. Jessica het die oorspronklike foto vyf weke gelede op Instagram gedeel.
@verityanneclothing have done it again!? I absolutely loved this dress last night ???A photo posted by Jessica Hunt (@jesshunt2) on

Haar verontwaardigde twiet het meer as 32 hertwiete en 461 antwoorde tot gevolg gehad, en baie Twitter-gebruikers het dit minder verontrustend en meer vermaaklik gevind.

Sommige volgers het teruggegaan na die oorspronklike foto wat Jessica gedeel het om dit te vergelyk en hul mening te deel.

“Vir die rekord: Hierdie foto is beter as die gedokterde een,” het een van die volgers op haar Instagram-plasing gereageer. Die internet het natuurlik dinge ’n tree of wat verder geneem en ’n paar van hul eie bywerkings geplaas wat pres. Donald Trump van Amerika en Gail Platt, ’n karakter uit Coronation Street, ingesluit het.

Die catfish-kunstenaar is nog nie geïdentifiseer nie.