Op ‘n weekaand in ’n deursneehuis in Suid-Afrika ontspan pa en kyk na die nuus, ’n jong kind saai chaos en ’n ouer kind is in haar selfoon verdiep.

Intussen was ma skottelgoed,prop ’n vrag wasgoed in die wasmasjien, smeek haar meisiekind om die foon te los en haar huiswerk te doen en vra haar man om die vullisblik uit te neem. En dit alles terwyl die kleuter nog gebad en in die bed gesit moet word.

Al het sy heeldag gewerk, dieselfde soort moeilike besluite as haar man geneem, moontlik personeel bestuur en in die spitsverkeer gesit, beteken huistoegaantyd nog lank nie die einde van haar dag nie.

Dis die begin van werk nommer twee.

En dis ’n pos sonder helpers, blyk uit ’n Britse ondersoek wat verlede jaar gedoen is. Daarin is bevind dat vroue steeds 82 persent van die huiswerk doen – sowat tien uur per week.

Vroeër vanjaar is in ’n Franse ondersoek getoon in 64 persent van pare doen vroue al die skoonmaakwerk, vergeleke met 32 persent waar huiswerk gedeel word. (Die orige 4 persent is waar mans al die werk doen.)

Uit ’n Amerikaanse peiling het dit geblyk dat een uit vyf pare elke maand oor huiswerk stry.

“Ek voel soos ’n slaaf in my eie huis,” sê Annette Cloete* van Kaapstad.  “Myman en kinders sal nooit daaraan dink om op te staan en te help nie. Ek kry niks vir my moeite nie. Soms wil ek dinge net so los en weghol, dit is hoe erg dit geword het.”

Baie Suid-Afrikaanse vroue deel Annette se frustrasie.

Lees meer in die Huisgenoot van 26 Mei. 

Volg Huisgenoot op Twitter.