Ons leef in ’n tegnologiese tyd waarin dit ál moeiliker word om jou privaatheid te beskerm.

Van koekies op webblaaiers tot vyandige sagteware, dit lyk of daar eindelose maniere is hoe jy aanlyn nagespoor kan word.

Nou verraai selfs jou batterystatus jou privaatheid!

Volgens ’n ondersoek aan die Stanford-universiteit kan die jongste privaatheidsbreuk na die HTML5-batterystatus-toepassingsprogramkoppelvlak teruggespoor word, ’n stelsel wat veronderstel is om webtuistes laerkrag-weergawes te verskaf wanneer ’n gebruiker se battery pap raak.

Met ander woorde, die stelsel gee bedieners toegang tot inligting oor die gebruiker se batteryvlak – hoe lank dit sal neem voor dit doodgaan en hoe lank dit sal neem om heeltemal te laai wanneer dit by kragtoevoer ingeprop word.

Maar die veiligheidskenners Steve Engelhard en Arvind Narayanan van Princeton maan nou die inligting kan ook gebruik word om gebruikers se aanlyngewoontes na te spoor.

Gevolglik stel die unieke “digitale voetspoor” webtuistes in staat om gebruikers met “spesifiek verpersoonlikte advertensies, promosies en produkte” in die visier te stel.

“Party ondernemings ontleed dalk die moontlikheid om uit die toegang tot batteryvlakke munt te slaan,” het Lukasz Olejnik in 2015 voorspel.

Erger nog, die kenmerk kan ook gebruik word om jou bestedingsgewoontes te manipuleer.

“Wanneer hul battery laag loop, kan mense geneig wees tot party – andersins ander – besluite. In sulke omstandighede sal gebruikers instem om meer vir ’n diens te betaal.”

’n Voorbeeld: ’n Paar maande gelede het die aanlyn vervoeronderneming Uber se hoof van ekonomiese navorsing, Keith Chen, aan NPR gesê gebruikers is bereid om tot 9,9 keer die gewone koers op te dok as hul foon sy battery besig is om pap te raak.

“Een van die sterkste aanduidings of jy gaan sensitief wees vir stuwing of nie, is hoeveel battery jy op jou selfoon oor het,” het Keith verduidelik.

“Ons gebruik dit nie om jou na ’n hoër stuwingsprys te druk nie, maar dis ’n interessante sielkundige feit van menslike gedrag.”

Bronne: thenextweb.com, ibtimes.co.uk, theguardian.com