Klippekouers, petroldrinkers, bloedsuiers – glo dit of nie, daar is regtig sulke mense . . .

Die doekvraat  

Keyshia (22) van New York in Amerika is dol oor deurweekte doeke en kan haarself nie keer om daaraan te snuif of kou nie.

Sy kry vuil doeke by vriende en selfs vreemdelinge en beweer dit smaak soos suur lekkers.

“Ek is dol daaroor; dit smaak heerlik,” sê sy.

https://www.youtube.com/watch?feature=player_embedded&v=nuFW0G5fET

Die kind wat matte eet

Charlotte Cook (5) knibbel gedurig aan matte en rusbankmateriaal in haar huis. Sy ly aan outisme en ’n ekstreme vorm van die verwante steuring, pika, wat haar vir materiaal laat lus kry.

Die man wat aan klippe kou

’n Bouer van Indië, Pakkirappa Hunagundi (30), het die nuus gehaal toe hy sy vreemde eetgewoonte onthul. Hy neem nie eens kos werk toe nie, want hy eet sommer die bakstene.

Die vampier 

Die ma van twee Julia Caples (45) is dalk ’n regte vampier, want sy drink al meer as 30 jaar bloed. Sy kry bloed by mede-vampieraanhangers wat haar by ’n okkulte-en-rarighede-winkel aan hulle laat drink.

Die petrolkop

Brain Taylor (45) lyk dalk soos ’n gewone ou, maar hy het ’n vreemde voorliefde: niks is vir hom lekkerder as om aan petrol te ruik of dit te drink nie.

Hy het al vergaderings bygewoon om sy verslawing te probeer oorwin, maar hy het so sterk na petrol geruik dat hy as ’n brandgevaar beskou en uitgeskop is.