Die afgelopwe week was dit groot nuus dat die gewilde verslankingsmiddel, Simply Slim, in Suid-Afrika verbied is.

Die Suid-Afrikaanse Medisynebeheerraad (MBR) het Simply Slim ingelig van hierdie verbod.

Na die bekendmaking van die verbod berig Beeld dat daar’n stormloop onder lede van die publiek was om vir oulaas te probeer om dosies van Simply Slim in die hande te kry.

Boonop, ten spyte van die verbod, het talle winkels glo aangehou om Simply Slim te verkoop.

Volgens die MBR het hy in sy ondersoek na die produk beslag gelê op Simply Slim-voorraad van verskeie verskaffers en dit laat toets.

Sekere besendings het na bewering sibutramien bevat. Dis die aktiewe bestanddeel van ’n schedule-5-voorskrifverslankingsmiddel wat newe-effekte soos hartprobleme kan veroorsaak.

Die MBR het blykbaar ook glo klagtes van die publiek ontvang, onder meer oor naarheid, kopseer, gemoeds- en kardiovaskulêre simptome.

Die MBR het volgens Beeld gesê die middel sinefrien in bitterlemoen, wat Simply Slim beweer is in sy produk, is ook ’n schedule-5-middel.

Volgens die MBR word verkope van Simply Slim opgeskort totdat die vervaardiger meer ondersteunende data oor die veiligheid, gehalte en doeltreffendheid van die middel aan die raad voorgelê het en dit geëvalueer is.

Die owerheid het bevind die risiko’s verbonde aan die produk is groter as die voordele en dit moet as medisyne geregistreer word voordat dit weer verkoop kan word.

Bron: www.nuus24.com 

Gebruik jy Simply Slim? Deel asseblief jou ervarings van dit met Huisgenoot in die kommentaarveld hieronder.