Wat het jy uit die ervaring geleer?

Hoe belangrik spanwerk is, en om nie jou span in die steek te laat wanneer hulle jou die nodigste het nie.

Wat was vir jou die grootste of moeilikste uitdaging?

Die Race of Risk, ’n spanuitdaging waarin ons teen ’n berg op moes resies jaag. Langs die pad was daar drie uitdagings. Die een was om goed uit te ken en te onthou, die volgende om ’n draagbaar te bou en spanlede te dra, en die laaste om dennetee uit dennebolle te maak. Maar daar was geen vuurhoutjies nie en ons het gesukkel om ’n vuur aan te steek om die tee warm te maak.

Hoe selfversekerd was jy voor die eindronde? Het jy gedink jy het ’n kans?

Toe ek uitvind ek is in die Red Rascals-span, het ek geweet ons het ’n goeie kans om te wen, want die meeste van die spanlede was baie sterk. Claude was die swartskaap van die groep. Maar toe een laaste uitdagings hoogte en spoed is, het hy geweet hy het ’n kans, want hy was nie bang nie. Dit was sy uitdaging; hy het geweet hy kon wen.

Sou jy iets wou verander het of anders doen as jy die kans gehad het?

In die een uitdaging kon nie een van die verkenners die vuur aan die brand kry nie! Ek sou geoefen het om ’n vuur aan te steek sonder vuurhoutjies.

Wat het jy by die ander deelnemers geleer?

Moet nooit moed opgee nie, maak nie saak hoe moeilik dit is nie.

Watter raad het jy vir voornemende deelnemers?

Sorg dat jy weet hoe om ’n vuur aan te steek en doen alles met oorgawe.

Wat is jou leuse in die lewe?

Moet nooit opgee nie en wees toegewyd aan dit wat jy doen.

Kyk na die uittreksels uit Survive It:

https://www.youtube.com/playlist?list=PLuaXIUAlMk5QrzLpI4UnIygNwNg4MM9vP

-         Janine Nel