Die legendariese Sonja Herholdt se debuutalbum is in 1975 uitgereik, en ná meer as drie dekades sing sy nog net so ongelooflik mooi.

Pêrels, haar eerste kommersiële album in 10 jaar, is pas uitgereik en daarmee keer sy met mening terug.

Op die eerste CD van die dubbelalbum is 16 van haar bekende treffers soos Jantjie, Harlekyn, Waterblommetjies en Ek Verlang na Jou, en op die tweede CD 11 nuwe en meer onlangse liedjies.

Rudi Claase van Rudi en Corlea-faam het van die mooiste liedjies daarop geskryf.

Sonja en haar seun, Simeon, sing ook ’n duet, Ons Vlieg Saam. Die album hoort op elke liefhebber van Afrikaanse musiek se rak.

Ons dink: 4/5