Onbekostigbaar, onprakties, ondoeltreffend. Dis hoe baie gesinne eers oor son-energie as alternatief vir Eskom-krag gevoel het. En songeisers... sjoe, hulle is darem maar duur...

Maar noudat Eskom enersyds vet tariefverhogings goedgekeur gekry en andersyds sy subsidies vir songeisers verdubbel het, kyk baie mense met nuwe oë na dié groen alternatief.

En dit lyk wraggies nie asof ons krag uit hoofsaaklik steenkool vorentoe goedkoper gaan word nie. Inteendeel, hoewel Eskom-verhogings van omtrent 25 persent jaarliks vir die volgende drie jaar nou aanvaar is, wou die kragvoorsiener aan-vanklik mos 45 persent jaarliks vir sy broodnodige bouplanne gehad het.

Wie weet wat maak hulle nie dalk nog vorentoe nie? En in-tussen raak die konsep van warm stort-, bad- en waswater uit skoon sonenergie ál aantrekliker.

Elektriese geisers vréét krag

“ ’n Elektriese geiser gebruik sowat 40 persent van die elek-trisiteit in ’n gewone huishouding,” sê Andrew Etzinger, ’n algemene bestuurder by Eskom. ’n Breër beraming is 30 tot 50 persent.

“Dis verreweg die grootste kragverbruiker onder huishoudelike toestelle. As jy dus jou elektrisiteitsrekening beduidend wil verminder, is ’n sonenergie-warmwatertoestel ’n uitstekende beginpunt.

“Jy kan so gemiddeld 70 persent van die elektrisiteit spaar wat normaalweg in ’n elektriese geiser ingaan.

“Dit beteken ’n besparing van waarskynlik 30 persent op jou hele jaarlikse elektrisiteitsrekening.” Boonop sal songeisers ook nie gedurende kragonderbrekings ophou werk nie.

Duur krag en vet subsidies maak songeisers meer kostedoeltreffend

Lees die volledige artikel met handige wenke oor hoe om elektrisiteit te bespaar in die 11 Maart-uigawe van Huisgenoot.

Deel asseblief jou wenke om elektrisiteit te bespaar in die kommentaarveld hieronder.

Bespreek vir Skouspel!