Die Britse menseregteprokureur is boaan die TV-aanbieder se jaarlikse lys bekendes wat die afgelope jaar ’n indruk gemaak het. En danksy haar huwelik met Hollywood se hubaarste vrygesel, die akteur George Clooney, het Amal stof in die oë van onder andere Taylor Swift en Scarlett Johannson geskop om die topplek in te neem.

“Hoe stel ek haar voor?” het die aanbieder gevra. “Ek glo die vraag is: Wat verg dit om een van die fassinerendste mans ter wêreld te fassineer? Sy is in daardie stratosfeer wat ons opsysit vir mense soos Jackie O, prinses Diana en hertogin Kate; alles wat sy doen, sê of dra, is amptelik fassinerend.”

Die 36-jarige is in September getroud met die The Ides of March-akteur tydens ’n glansryke seremonie in Venesië. Barbara beskryf dit as “die troue van die jaar” en sê Almal het die onmoontlike vermag: om die ewige vrygesel tot voor die kansel te kry.

“Hy het self in 1995 vir my gesê niemand sal hom kan kry om te trou nie,” het Barbara vertel. “Maar Amal is, nes George, ’n bietjie anders. Sy is hartstogtelik oor menseregte. Nes George, wie se pa ’n verslaggewer was, is haar ma ’n joernalis. En nes George, is sy ’n ster in haar milieu.”

Ander mense wat die lys gehaal het, is Oprah Winfrey, Chelsea Handler en Neil Patrick Harris.

“Dis ongelooflik dat Amal nog die onderwerp van baie min jaloesie was, dalk omdat dit vir ons, nes vir George Clooney, onmoontlik is om volmaaktheid te weerstaan,” het Barbara bespiegel. “Of dalk is dit verblydend om te dink, al duur dit ook hoe lank, daar is ’n nommerpasmaat iewers daar buite vir ons elkeen.”

© Cover Media