Noem ’n beroemde sexy swembroekmodel en die kans is goed sy het al in die gesogte tydskrif Sports Illustrated se swembroekuitgawe verskyn.

Die bekende jaarlikse tydskrif wys die mooiste van die mooistes in hul swembroeke en vanjaar stof die oud-supermodel Christie Brinkley, wat al 63 is, byna al die jonges uit.  

Sy smeul behoorlik saam met haar twee dogters, Alexa Ray Joel (31) en Sailor Brinkley Cook (18).  

Sy het op Instagram die tydskrif bedank omdat dit “die kragtige boodskap stuur dat goeie dinge in pakkies van enige grootte kom en dat mense nie ’n vervaldatum het nie”.

Die tydskrif is geprys toe dit verlede jaar die plusgroottemodel Ashley Graham op die voorblad gehad het.  

Christie het in 1979 die eerste keer in die tydskrif verskyn en was ’n ikoniese model in die 1980’s en 90’s.  

A photo posted by @modelsandmodels on