Die 17-jarige seun het hom kort ná middernag doodgeskiet in ’n woonstel in Los Angeles, het Los Angeles se polisie gesê.

Die kenmerke van die potensieel dodelike speletjie is dat jy slegs een patroon in ’n rewolwer plaas, die silinder laat tol en daarna die bek van die rewolwer teen jou slaap hou.

Volgens die owerhede het die seun ’n .38 Special-rewolwer uitgepluk en gesê hy gaan Russiese roelet in sy kamer speel.

Nadat sy twee neefs by hom gepleit het om dit nie te doen nie, het hy die rewolwer teen sy kop gehou en ’n enkele skoot geskiet, het polisiewoordvoerder Juanita Navarro-Suarez gesê.

Die tiener is by ’n hospitaal dood verklaar. Daar is beslis dat sy dood ’n ongeluk was.

Hy het by sy ouer broer en skoonsuster gewoon.

Besonderhede oor hoe die tiener die wapen in die hande gekry het en aan wie dit behoort het, word ondersoek.

Bronne: LA Times, Mirror.co.uk