“Die ornament van ’n huis is die vriende wat daar kuier.” – Ralph Waldo Emerson

Die vakansiertyd is hier binne ’n oogwink . . . en ons weet wat dit beteken: Dis weer tyd om Kersversierings op te hang en kuierplanne te maak. Dit beteken dalk ook dat ’n paar vriende of familielede sal oornag. En soos Emerson sê, is jou gaste die ware versierings van jou huis. Ons gee ’n paar eenvoudige en doeltreffende maniere om jou gastekamer op te kikker sodat jou kuiermense welkom voel en lekker bly.

[caption id="attachment_60051" align="aligncenter" width="600"]Foto’s: thatluciegirl.tumblr.com en zarahome.com Foto’s: thatluciegirl.tumblr.com en zarahome.com[/caption]

’n Gastekamer moet ’n gerieflike blyplek aan jou gaste bied. Dit berus grootliks op die regte beddegoed. Jy wil nie hê jou gaste moet snags te koud of te warm kry nie; daarom is ’n mengsel van ligte en swaar beddegoed die beste. Begin met ’n katoenlaken met ’n hoë veseltelling. Volg dan die voorbeeld van die meeste gastehuise, en plaas ’n katoenkombersie, gevolg deur ’n vereduvet bo-oor. Dit sal voorsiening maak vir alle temperature.

Daar moet ook ’n verskeidenheid kussings wees, aangesien sommige mense plat of sagte kussings verkies. Rond af met ’n klompie strooikussings bo-oor en jou slaapkamerdekor lyk stylvol en knus.

Aangesien ’n gastekamer nie elke dag gebruik word nie, sal beddegoed van goeie gehalte langer hou en is dit ’n goeie belegging. Hou by ’n neutrale skema met die beddegoed en versier met pragtige gekwilte of bonkige gebreide oorgooikombersies.

[caption id="attachment_60052" align="aligncenter" width="600"]Guest room2 Foto’s: freedomcurtainsandblinds.com.au en curtainstudio.co.nz[/caption]

Jy moet ook aandag skenk aan die vensters en vloere. Kleedstof wat lig blokkeer is die perfekte opsie vir gordyne of blinders in ’n gastekamer. Hulle hou die kamer nie net donker sodat jou gaste laat kan slaap nie, maar hou dit ook koel in die somer. ’n Groot verskeidenheid blokkeerkleedstowwe met voerings en in verskillende kleure is beskikbaar. Nog ’n deurskynende gordyn aan die agterkant, op ’n dubbele spoor, verseker privaatheid wanneer jy natuurlike lig in die kamer wil hê.

[caption id="attachment_60053" align="aligncenter" width="600"]guest room3 Foto’s: dwr.com en garnethill.com[/caption]

’n Houtvloer is ideaal in ’n gastekamer aangesien dit maklik is om skoon te maak en geskik is vir mense met allergieë. Die nadeel is dat dit effens kouer en meer lawaaierig is. Hierdie probleme kan maklik opgelos word met ’n mat wat by die kamer se dekor pas. ’n Mat van natuurlike stowwe soos vlas, met ’n filtonderlaag, vir gemaklike sofistikasie nie is nommerpas.

[caption id="attachment_60055" align="aligncenter" width="600"]Foto’s: gallery.apartmenttherapy.com en Visit kwkissimmee.com Foto’s: gallery.apartmenttherapy.com en Visit kwkissimmee.com[/caption]

Naas die bed is die bedkassies die volgende belangrike meubelstukke. ’n Bedkassie wat met sorg gekies is, sal gaste help om hulself tuis te maak en te ontspan. Dit moet genoeg ruimte bied vir hul persoonlike items soos horlosies en oorbelle. As daar nie plek in die kamer is vir ’n boekrak nie, moet die bedkassie ook ruimte hê vir boeke en tydskrifte. Maak seker die kassie se afwerking is van so ’n aard dat jou gaste hulle nie oor watermerke daarop hoef te bekommer nie. Wys jy gee om deur ’n waterkraffie, wekker en vars blomme daarop te sit.

[caption id="attachment_60058" align="aligncenter" width="600"]Foto’s: theletteredcottage.net en shop.bazaart.me Foto’s: theletteredcottage.net en shop.bazaart.me[/caption]

[caption id="attachment_60064" align="aligncenter" width="600"]Foto’s uit: blog.morestudio.co en awelltraveledwoman.tumblr.com Foto’s uit: blog.morestudio.co en awelltraveledwoman.tumblr.com[/caption]

Sommige mense voel effens onseker wanneer hulle in ’n vreemde kamer of huis oornag, maar die regte beligting sal hulle op hul gemak stel. Behalwe die daklig, is ’n bedlampie noodsaaklik. Dit laat gaste nie net toe om in die bed te lees nie, maar help hulle ook hul weg in ’n vreemde plek vind. Daar is baie kreatiewe beligtingsopsies beskikbaar wat in jou smaak sal val. As daar nie genoeg plek op die bedkassie is nie, is ’n muurlig or hanglig bo die kassie die perfekte oplossing.

[caption id="attachment_60065" align="aligncenter" width="600"]Foto’s gehaal uit: casasugar.com en ebay.co.uk Foto’s gehaal uit: casasugar.com en ebay.co.uk[/caption]

’n Fantastiese meubelstuk in ’n gastekamer is ’n lessenaar wat ook as spieëlkas kan dien. Dit verskaf nie net werkruimte vir diegene wat nog kantoorwerk moet doen nie, maar ook ’n mooimaakplek sodat die badkamer nie pal beset is nie.

[caption id="attachment_60067" align="aligncenter" width="600"]Foto’s uit: fleaingfrance.tumblr.com en millashem.blogspot.com  en remodelista.com Foto’s uit: fleaingfrance.tumblr.com en millashem.blogspot.com en remodelista.com[/caption]

Twee maklike bykomstighede om in te sluit is spieëls en hake. Spieëls is die perfekte bykomstighede, veral as daar nie baie plek in die badkamer is nie. Muurhake is ideaal vir die ophang van jasse en handsakke, asook items soos motorsleutels. Daar is ’n groot verskeidenheid hiervan, gemaak van metaal tot hout, om by jou smaak en begroting te pas.

As jy hierdie wenke volg, en die digter se wyse woorde hieronder in gedagte hou, sal jy maklik die perfekte kuierplek vir jou gaste skep.

“’n Gas vergeet nooit die gasheer wat hom vriendelik behandel het nie.” ~ Homer

Janel NelDeur Janel Nell: http://www.interiorcreators.com/

Oor Interior Creators

Interior Creators bied ’n gespesialiseerde, aanlyn-binneversierdiens vir huise asook kantoor-/winkelruimte, met die klem op die doen-dit-self- en koop-dit-self-neiging. Interior Creators bied ook toegang tot produkte en diensverskaffers wat kliënte in staat sal stel om te voldoen aan hul ontwerpbehoeftes wat meubels – oud, nuut en opgeknap – betref.