Die temperatuur styg, die lug is blou en die warm weer maak ons lus vir buite kuier. Of jy nou ’n ontspanne braai of ’n tuinpartytjie hou, jou buitemuurse meubels is jou beste en belangrikste stylbelegging. Ons kyk na buitemeubels wat jou smaak en behoeftes pas.

1. Gekleurde metale

[caption id="attachment_57151" align="aligncenter" width="600"]Foto’s: safaffect.wordpress.com, chaircrazy.co.za Foto’s: safaffect.wordpress.com, chaircrazy.co.za[/caption]

As jy hou van die effense ruwe, industriële voorkoms, kan jy dit oorweeg om hout en metaal vir jou eetarea te kombineer. ’n Timmerhouttafelblad met ’n natuurlike afwerking kan ’n helderkleurige metaalstoel komplementeer. As jy ’n meer gedempte kleurskema verkies, kan jy die stoel in skakerings van grys kry, soos in die foto links. Of jy kan die ruimte met ’n helder kleur opkikker. Die plaaslike verskaffers Chair Crazy het ’n treffende oranje stoel.

2. Landelik sjiek

[caption id="attachment_57152" align="aligncenter" width="600"]Landelik sjiek Foto’s: missmegnificent.tumblr.com, blockandchisel.co.za[/caption]

As jy ’n ontspanne maar gesofistikeerde voorkoms verkies, is die landelik-sjiek-voorkoms die regte een vir jou. ’n Bonkige houttafel wat óf met sy natuurlike afwerking gelaat óf gekombineer word met wit geverfde aksente is ’n onderbeklemtoonde middelstuk. Stoele met houtrame en linnestoffering rond dié voorkoms af. Block & Chisel het ’n mooi reeks buitemuurse houtmeubels.

Wenk: Dié soort stoele werk die beste vir ’n bedekte stoeparea om die meubels teen die weer te beskerm.

3. Sit-sit so

[caption id="attachment_57153" align="aligncenter" width="600"]Foto’s: wooninspiratie.nu, blocoutdoor.co.za Foto’s: wooninspiratie.nu, blocoutdoor.co.za[/caption]

Sitbankagtige buitesitplekke is om verskeie redes ’n goeie opsie. Die banke kan onder die tafel gebêre word, wat nuttig is vir kleiner ruimtes. Dis ook prakties vir groot groepe mense en buitekussings kan sorg vir ’n sagte sitplek. As jy dié voorkoms ’n bietjie wil opkikker, kan jy kontrasterende stoele aan die punte in ’n anderste afwerking of styl gebruik. Die stel in die regterkantste foto is by Bloc Outdoor Furniture te kry.

4. Lig en mooi

[caption id="attachment_57154" align="aligncenter" width="600"]Foto’s: blogg.skonahem.com, mobelli.co.za Foto’s: blogg.skonahem.com, mobelli.co.za[/caption]

Al is dit hoe lekker om op ’n warm dag buite te eet, wil jy steeds koel bly. ’n Stoel van weefstof is stylvol en lugtig, en wit of swart stoele sorg vir ’n vars, moderne voorkoms. Die stel in die regterkantste foto is by Mobelli te kry.

5. Eklekties klassiek

[caption id="attachment_57155" align="aligncenter" width="600"]Foto’s: homedepot.com, chaircrazy.co.za Foto’s: homedepot.com, chaircrazy.co.za[/caption]

UV-beskermde polipropileen-/plastiekstoele is ’n veelsydige keuse. Dit kontrasteer goed met meer tradisionele of growwe houttafels om ’n eklektiese voorkoms te skep. Die Panton-stoel is een van die mees ikonies gevormde stoele en is in ’n verskeidenheid kleure beskikbaar. ’n Wit Panton-stoel, soos dié by Chair Crazy, is ’n uitstekende keuse vir ’n tydlose voorkoms.

1110 DIY Brokkie photo 5 - JanelDeur Janel Nell: interiorcreators.com

Interior Creators bied gespesialiseerde binnenshuise ontwerpdienste vir huise asook kantore en kleinhandelruimtes en bevorder die “doen-dit-self”- en “koop-dit-self”-neiging. Interior Creators bied ook toegang tot produkte en diensverskaffers wat in klante se behoeftes voorsien wat betref afwerkings en meubels, hetsy nuut en opgeknap.