Berging is ’n groot deel van hierdie organisasie. Ekstra komberse en dik winterklere moet weggepak word en klerekaste moet herrangskik word. Die goeie nuus is dit hoef nie vervelig te wees nie. Bergingsruimte kan mooi wees . . . dus gaan ons kyk na ’n klompie stylvolle maniere om dit te doen en terselfdertyd jou huis op te kikker.

[caption id="attachment_55454" align="aligncenter" width="600"]Foto’s: Interior Creators Foto’s: Interior Creators[/caption]

’n Plaaslike maatskappy het ’n pragtige reeks bergingskratte geskep, wat verlede maand by Decorex uitgestal is. CakeGoed het hierdie houtkratte met leuses soos op die bekende Keep Calm-plakkate versier, met ’n oulike kinkel daarin. Hulle het ook ’n reeks pragtige silhoeëttonele vir ’n klassieker voorkoms.

[caption id="attachment_55455" align="aligncenter" width="600"]Foto’s van: imgfave.com en weylandts.co.za Foto’s van: imgfave.com en weylandts.co.za[/caption]

Nog ’n veelsydige bergingsopsie is om reistasse of trommels te gebruik. Jy kan ’n grootte, vorm en styl kies wat goed as ’n kanttafeltjie of koffietafel sal werk. Jy kan waarskynlik ’n paar reiskoffers by jou ouers of grootouers kry. Dit kan ’n waardevolle erfstuk wees wat jy vir jou kinders kan nalaat. Andersins kan jy in oudhedewinkels of vlooimarkte gaan rondsnuffel daarvoor. Die meubel-en-binneversieringswinkel Weylandts het ’n reeks trommels en koffers wat van ’n nywerheids- tot ’n meer antieke voorkoms wissel.

[caption id="attachment_55456" align="aligncenter" width="600"]Foto’s van: babble.com en maxitendance.com en blockandchisel.co.za Foto’s van: babble.com en maxitendance.com en blockandchisel.co.za[/caption]

Mandjies is noodsaaklik vir berging. Jy kan hulle in ’n verskeidenheid groottes en verskillende weefpatrone kry. Hier is elegante styfgeweefde mandjies, wat goed werk vir sagte linneware, asook bonkige, losgeweefde mandjies wat ideaal is vir die berging van hout of opgerolde komberse. Albei is beskikbaar by Block and Chisel.

Draadmandjies en akrielhouers werk baie goed om jou studeerkamer, linnekas of spens te herorganiseer. Hulle stel jou in staat om items te groepeer, terwyl jy steeds maklik kan sien en kry wat jy nodig het.

Hierdie oulike voorbeelde van Pinterest wys ons hoe goed hulle kan werk.

[caption id="attachment_55457" align="aligncenter" width="600"]Foto’s van: mechantdesign.blogspot.com en shelterness.com Foto’s van: mechantdesign.blogspot.com en shelterness.com[/caption]

Lekker huis skoonmaak!

1110 DIY Brokkie photo 5 - Janel Deur Janel Nell: http://www.interiorcreators.com/

Interior Creators bied ’n gespesialiseerde, aanlyn binneversieringsdiens vir huise asook kantoor-/winkelruimtes, met die klem op selfdoen- en selfkoop-neigings. Interior Creators bied ook toegang tot produkte en diensverskaffers wat kliënte in staat sal stel om te voldoen aan hul ontwerpbehoeftes wat meubels – oud, nuut en opgeknap – betref.