Maar as jou rug nie so sterk is nie, sit jy later met ’n pynlike seer rug wat jou kan strem terwyl jy jou gunsteling-oefening wil doen.

Baie mense glo verkeerdelik eindelose opsitte kan jou rug versterk. Daar is baie ander maniere om krag op te bou in daardie deel van jou liggaam; dus moet jy die wenke hier onder volg om rugpyn hok te slaan.

Toontikkies: Lê op die vloer en maak seker dat jy die kurwe van jou laer rug behou. Betrek jou rug deur die laer deel van jou maag versigtig in te trek en jou bene een-een te lig tot jy in ’n tafelbladposisie is, met jou tone gepunt. Jou knieë en dye moet ’n reghoek vorm. Hou jou rug reguit en asem uit terwyl jy jou been tot op die vloer laat sak, tik met jou toon op die vloer en keer terug na die reghoekposisie. Herhaal met die ander been en mik na 10 herhalings met elke been.

Spronge: ’n Klassieke oefening, maar die rede hiervoor is dat dit jou rug grootliks baat aangesien dit jou bekken versterk en balans gee en dit beskerm op sy beurt jou rug.

As jy lank moet sit by die werk, of as jy graag draf, is dit net die strekoefening vir jou want dit kan die buigspiere van jou heup oopmaak en help dat hulle nie styf word wanneer jy wel oefeninge doen nie.

Staan met jou voete heupwydte van mekaar, tree na vore met jou regtervoet en lig jou linkerhak van die vloer af. Buig jou regterknie in ’n reghoek, terwyl jy jou bolyf regop hou en met jou linkerknie vloer toe sak. Lig jou arms sywaarts tot skouerhoogte. Dit aktiveer die driehoekspiere in jou skouer en versterk terselfdertyd jou liggaamshoudingspiere. Herhaal 10 tot 15 keer en ruil dan jou bene om.

Balanseer op een been: ’n Sterk rug gaan gepaard met balans, want jou spiere reageer vinniger en stabiliseer jou terwyl jy beweeg, en verhoed so die risiko vir pyne en skete.

Staan met jou voete heupwydte van mekaar, staan regop sodat jou liggaam ’n lyn vorm, maak jou rug reguit en staan op jou regterbeen. Lig jou regterarm reguit op, strek vorentoe en raak aan die vloer net buite jou regtervoet, terwyl jou linkervoet agtertoe gestrek is vir teengewig. Herhaal met die teenoorgestelde been en mik na 8 – 12 herhalings met elke been.

© Cover Media