Lank sit word direk in verband gebring met ’n verhoogde risiko vir chroniese leefstylsiektes soos vetsug, hoë bloeddruk en cholesterol,” sê dr. Candice Christie, hoof van die departement menslike kinetika en ergonomie aan die Rhodes-Universiteit in Grahamstad.

“Om te lank agter jou lessenaar te sit beïnvloed bloedsomloop en kan stywe spiere en biomeganiese wanbalanse veroorsaak omdat die groter spiergroepe oorvergoed vir die ondergebruik van kleiner spiergroepe,” sê Lindsey Yves, ’n sportterapeut van Kaapstad.

Doen die oefeninge 2-3 keer per dag vir

4 minute op ’n slag en voel die verskil

kantoorvet

Hou hierdie kosse by jou lessenaar

Rou groente en lae-GI-vrugte

  • 3-4 porsies per dag, bv. ’n appel, ¼ k droë appelkose, ’n pruim/perske, ½ k komkommer/rou wortel
  • “Groente en vrugte is hoofsaaklik koolhidrate; daarom kan party van hulle ’n skielike verhoging in glukose veroorsaak. Jy wil skielike verhogings vermy, want dit sal ’n groot stuwing van energie veroorsaak, maar ’n insinking daarna,” sê Candice.

Proteïen

  • 1-2 porsies per dag, bv. ’n handvol biltong en 15 neute
  • “Proteïen soos biltong of hoender het ’n lae glukoserespons tot gevolg, wat eintlik die geheim is. ’n Lae glukoserespons hou jou op en wakker,” sê Candice.

Water

  • Soveel soos benodig
  • “As jou liggaam goed gehidreer is, verseker dit goeie bloedvloei na die spiere en die brein, wat styfheid voorkom en jou op en wakker hou,” sê Lindsey.

Sjokolade

  • 2-4 blokkies
  • “Sjokolade sal jou serotonienvlak ’n hupstoot gee. Hou by donkersjokolade wat meer antioksidante en minder suiker bevat sodat dit nie met jou suikervlakke mors nie,” sê Lindsey.